Edwein 85:3 - AHYERƐLƐ KRONGRON

³ Ɛhwene wɔ yaa piri ne amukoraa sale, ɛmane w’ahone tɔle nzue nu.

Edwein 85:3 Iomraidhean Croise

2 Aberɛso Dwirɛ 6:39

ye de tie bɛ mbaeɛ ɔne bɛ sufrɛ wɔ nyameɛso, nekaa bɔ ɛte ne. Di bɛ dwirɛ ma bɛ, ná wɔ mmenia bɔ bayɔ bɔne batia wɔ ne, fa bɛ bɔne kyɛ bɛ.

Edwein 106:23

Yiti ɔhane kyɛ okohũhũ bɛ. Nakoso Mose bɔ waneanea nu waye ye ne, ɔpale kyerɛ mane bɛ wɔ Nyameɛ nyunu, kyɛ ɔma ye ahone ɔtɔ nzue nu, ná nnɛmaa okũkũ bɛ.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Ɛksadɔso 32:22

Na Aarɔn buale kyɛ, “Me mene, nnɛfɛ yaa; wɔ bɔbɔ ɛse kyɛ bɔne ali mmenia hemɔ ti.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 40:1

Ɛmɔ Nyameɛ nwa nyoo, “Ɛ́mɔkyekye, ɛ́mɔkyekye me maen wora.

Yesaya 40:2

Kã aworakyekyerɛ dwirɛ kyire Yerusalem, ná bɔ ye dawure kyire ye, kyɛ ye ngoaasolɛ mmerɛ ne wawa ayieleɛ, kyɛ mafa ye amumuyɛɛ ne mahyɛ ye; ofikyɛ ye bɔne ne, wanya ye mukoraa nwo akatuaa mmɔhoɛ nyɔ wafi AWURADE berɛ.”

Yesaya 6:7

Ɔfa hane me noa, na osele kyɛ, “Tie, sɔ nikyee ye ahã wɔ noa; baye w’amumuyɛɛ ne bafi wɔ so, na bate wɔ nwo bafi wɔ bɔne nwo.”

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Yona 3:9

Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 32:43

“O, maen maen, ɛmɔ ne ye mmenia beli ahurusi, [mmosoen amukoraa, ɛ́mɔkoto AWURADE] ofikyɛ ɔkɔtɔ ye ngoaa mɔ mogya so wereɛ, ɔkɔtɔ ye pɔfoɛ mɔ so wereɛ, [okotua bɛ bɔ bekyi ye kerɛ], ná wate aseɛ ne anwo wama ye mmenia.”