Edwein 85:2 - AHYERƐLƐ KRONGRON

² Ɛfale wɔ maen ye amumuyɛɛ hyɛle ye; ɛfale bɛ bɔne amukoraa hyɛle bɛ. Sela

Edwein 85:2 Iomraidhean Croise

Ɛsra 1:2

“Pɛsia hene Karose nwa nyoo: AWURADE bɔ ɔte nyameɛso Nyameɛ ne, wafa aseɛ so ahennie amukoraa wawura me sa, na wahyɛ me kyɛ nzi sua mma ye wɔ Yerusalem bɔ ɔwɔ Yuda ne.

Edwein 126:1

Mmerɛ bɔ AWURADE fale Sion fili nnurehyelɛ nu sa wale ne, edwirɛ ne yɛle yɛ kyɛ mmenia bɔ bɛkye laleɛ ɔ.

Edwein 32:1

Sona bɔ Nyameɛ afa ye mmeraatolɛ wahyɛ ye, ná wakyikyi ye bɔne ne, onya saleɛ.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Numeri 14:19

Wɔ ɔdɔ pindinn ne, kyɛbɔ osi te piri ne, fa wɔ nye to ná fa mmenia ye b’amumuyɛɛ kyɛ bɛ, kyɛbɔ afa ahyɛ bɛ fi Misraim maa waadwu ɛnɛ ye.”

Asomafoɛ 13:39

na ebiala bɔ okole ye koli nen, bekobua ye be wɔ nningyein amukoraa bɔ Mose mmeraa ne wangora wammua ɛmɔ be wɔ ye nwo ne.

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,