Biblia Todo Logo
Bìoball air-loidhne

- Sanasan -




Edwein 83:18 - AHYERƐLƐ KRONGRON

18 Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Faic an caibideil Dèan lethbhreac




Edwein 83:18
21 Iomraidhean Croise  

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”


Ao AWURADE, tie me, amaa ɔnate so maen he anwu kyɛ, ao AWURADE, ɛte Nyameɛ, na wɔ yeɛ ɛma b’adwene kakyi ba wɔ berɛ ɔ.”


Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ AWURADE, wɔ ngome yeɛ ɛte Nyameɛ ɔ.”


AWURADE bɔle nu kurudududu wɔ nyameɛso, na Anwuro Anwuro Nyameɛ ne dwudwole nen, asukɔtwea kungumaboɔ ne see gonn tete guale.


Bɛ bɔ bɛpena me beku me ne, maa bɛ nyunu ogua ase, ná bɛfɛre. Bɛ bɔ bɛbɔ me nwo porɛ ne, maa bɛfa animguaseɛ besa bɛ si bɛhɔ.


fɛ bɛ so yaa kũkũ bɛ; kũkũ bɛ ma bɛ boso onua. Na ɛhe kɔmaa ofi aseɛ ti kɔka ye ti, mmenia konwu kyɛ Nyameɛ yeɛ odi Yakob so hene ɔ. Sela


AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.


Ɔnate wɔ ti ngɔma me nye kɔgye, ná mali ahurusi; ao, Anwuro Anwuro Nyameɛ, ngɔto wɔ dumaa nwo ayɛyelɛ dwein.


Nakoso ao AWURADE, wɔ de, edi ebiala so hene afebɔɔ.


Ofikyɛ AWURADE, wɔ yeɛ ɛte Anwuro Anwuroniɛ paa wɔ aseɛ amukoraa so ɔ; ɛte totohyia tra nyameɛ mɔ amukoraa.


Nyele me nwo ali ngyirele Abraham, Yisake ne Yakob kyɛ nde Tuminiɛ Nyameɛ. Nakoso me dumaa YAHWE (AWURADE) ne de, mamma bangyina so bannwu me.


Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.


Nakoso Asafo AWURADE de, bɛma ye so wɔ ye ndɛenbualɛ turoloo nu, na Krongronniɛ Nyameɛ ɔda ye krongronyɛlɛ ali wɔ tenenee nu.


Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.


“Yiti, tie, ngɔmaa bekonwu ye pɛen ko, ngɔmaa bekonwu me tumi ne m’anwoserɛ ne, na bekonwu kyɛ me dumaa ole AWURADE.”


Sɔ yeɛ ngɔhwe Misraim so ɔ, na afei bekonwu kyɛ me ole AWURADE.”


Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.


Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.


Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.”


Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.


Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”


Lean sinn:

Sanasan


Sanasan