Edwein 82:8 - AHYERƐLƐ KRONGRON

⁸ Ao Nyameɛ, dwɔso ná bua aseɛ so ama ndɛen, ofikyɛ maen maen amukoraa bɛte w’agyapadeɛ!

Edwein 82:8 Iomraidhean Croise

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Edwein 22:28

Ofikyɛ ahennie te AWURADE deɛ, na odi maen maen mɔ so hene.

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Edwein 94:2

Ao, aseɛ ye aso ndɛenbualɛniɛ, kekã wɔ nwo e, ná tua anwomasoɛfoɛ bɛ so kerɛ!

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”