Edwein 82:5 - AHYERƐLƐ KRONGRON

⁵ Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

Edwein 82:5 Iomraidhean Croise

YOB NWOMAA NE 8:9

Yɛ de, anomasi wa ala yeɛ bɛwo yɛ ɔ, na yɛnze huu, ofikyɛ aseɛ ye aso, yɛ ngoa otu mini te kyɛ wawoɛ.

Edwein 11:3

Na sɛ bedwiri fapem ne begua a, nzikyɛ yeɛ teneneefoɛ bɛkɔhora ye yɔ ɔ”?

Edwein 14:4

Bɔnefoɛ amukoraa, aso nimdeɛ abɔ bɛ anaa; bɛ yeɛ bedi me mmenia aminɛ kyɛbɔ bedi aleɛ, ná bɛnzɔne AWURADE ɔ?

Edwein 53:4

Aso nimdeɛ abɔ amumuyɛɛfoɛ anaa? Bɛ yeɛ bedi me maen aminɛ kyɛ bedi aleɛ ne ala, ná bɛmbena Nyameɛ si atee ɔ.

Edwein 75:3

Sɛ aseɛ ɔne bɔ ɔwɔ so amukoraa bɛwoso a, me yeɛ mema ye bonima mɔ begyina pindinn ɔ. Sela

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Anyandera 1:29

Ofikyɛ behyili nimdeɛ, banguro kyɛ bekosuro AWURADE,

Anyandera 2:13

kofi bɛ bɔ bali nahorɛ atee nwo makyebu baafa awosii atee so ɔ bɛ sa nu.

Anyandera 4:19

Nakoso bɔnefoɛ de, b’atee te kyɛ awosii tunn, bennwu nikyee bɔ bɛfofo so ɔ.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yesaya 59:9

Ye sɔ ne ati, yɛ ne pɛpɛɛpɛyɛlɛ afia atee awale, yeɛ tenenee koso yɛne ye abɔ nzahoɛ; yɛpena kanea, nakoso, nea, yɛte awosii nu, yɛ nye la hyireinn ate, nakoso yɛnate awosii kabii nu.

Mika 3:1

Na ngane kyɛ, Ao, mesrɛ ɛmɔ, ɛ́mɔtie oo, Yakob atitire ne Yisrael awuro ama mbanyi. Aso nna ɛmɔ yeɛ odi kyɛ ɛmɔnea kyɛ ndɛen turoloo kɔyɛ adwuma ɔ?

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Yohane 3:19

Na ɛhe yeɛ ɔte ndɛenbualɛ ɔ, kyɛ kanea ne awa wiase, nakoso mmenia hurole awosii trale kanea ne; ofikyɛ bɛ yɔleɛ te bɔne.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.