Edwein 82:2 - AHYERƐLƐ KRONGRON

² “Kyinzu koraa yeɛ ɛmɔkobua ndɛengyea, ná ɛmɔayɛ nyeyemuɛ bagyina bɔnefoɛ si maa waadwu ɔ. Sela

Edwein 82:2 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

2 Aberɛso Dwirɛ 19:7

Afei, ɛ́mɔsuro AWURADE na ɛ́mɔbua ndɛen turoloo, ofikyɛ AWURADE yɛ Nyameɛ onguro ndɛengyea, mmenia nu nyeyemuɛ anaa fea-ase-ma lelɛ.”

YOB NWOMAA NE 32:21

Mengɔyɛ nyeyemuɛ biala, yeɛ mengɔhã adɛfɛdɛfɛ dwirɛ ngɔfa ebiala nwo.

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Edwein 62:3

Ɔkwaadwu kyinzu yeɛ ɛmɔkotu ɛmɔ nye bekosie sona horɛ so ɔ, bɔ ɛmɔ amukoraa ɛmɔpena ye beku ye ɔ, kyɛbɔ ɛmɔdwiri fasue bɔ wahyea ɔ begua ase ɔ.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Anyandera 18:5

Ɔtte mayee kyɛ ɛkɔma bɔnefoɛ koli be, ná ekobua teneneeniɛ ndɛengyea ɔ.

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Galatiafoɛ 2:6

Na bɛ bɔ bebu bɛ nwo kyɛ bedi mu ne, bɛte nzikyɛ mmenia koraa po a, me de ɔmva me nwo; ofikyɛ Nyameɛ de ɔnyɛ nyeyemuɛ, na bɛ bɔ bebu bɛ nwo kyɛ bedi mu ne bamva hwee bammoka so.

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’