Edwein 81:8 - AHYERƐLƐ KRONGRON

⁸ Me maen, ɛ́mɔtie maa ndu ɛmɔ foɛ. Ao Yisrael, sɛ ahaa ekotie me dwirɛ a!

Edwein 81:8 Iomraidhean Croise

Edwein 50:7

“Ao me maen, tie na mebaadwudwo. Ao Yisrael, ngɔbɔ wɔ kwaadu. Me ole Nyameɛ, wɔ Nyameɛ.

Edwein 81:13

Ao, sɛ ahaa me maen kotie me dwirɛ a, sɛ ahaa Yisrael kɔnate m’atee so a!

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Yesaya 1:19

Sɛ ɛmɔpene so ná ɛmɔyɛ sotie a, ye de aseɛ ne aso nikye paa yeɛ ɛmɔkoli ɔ.

Numeri 20:13

Ɛhe ole Meriba asue, nekaa bɔ Yisraelfoɛ ne AWURADE nyane dwudwolɛ, berɛ yeɛ AWURADE yele ye krongronyɛlɛ ali ɔ.

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Deuteronomi 32:46

osele bɛ kyɛ, “Edwirɛ bɔ ɛnɛ kyẽa ye meka mefa medi adanzeɛ metia ɛmɔ ye, odi kyɛ ɛmɔfa besie ɛmɔ ti anu. Ɛ́mɔfa bɛ́tete ɛmɔ mma, amaa ɔnate so bɛ wora bali mmeraa he anu dwirɛ amukoraa so nahorɛ nu.

Deuteronomi 5:27

Wɔ de, pingye berɛ, ná tie edwirɛ bɔ AWURADE yɛ Nyameɛ kɔha amukoraa; ná ka bɔ AWURADE yɛ Nyameɛ kɔha kohyire wɔ amukoraa kyire yɛ. Yɛkotie ná yali so.’

1 Yohane 5:9

Na sɛ yɛde kuro sona adanzeɛ yɛto nu a, nzaade Nyameɛ adanzeɛ deɛ ne di mu tra so. Ofikyɛ ɛhe te Nyameɛ adanzeɛ bɔ wali wafa Ɔwa ne nwo ɔ.