Edwein 81:7 - AHYERƐLƐ KRONGRON

⁷ Esu frɛle me wɔ w’amaneɛnwunɛ nu, na mbepɛ nnele wɔ; nekaa bɔ agralaa wɔ wɔ mvealeɛ nu ne, berɛ yeɛ mmane wɔ mmuayɛɛ, na nzole wɔ neane wɔ Meriba asue anwo. Sela

Edwein 81:7 Iomraidhean Croise

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Ɛksadɔso 14:10

Na mmerɛ bɔ Faro pingyele bɛ ne, Yisraelfoɛ mane bɛ nye so, na benwuni kyɛ Misraimfoɛ bɛ́po bɛ so; yiti ɛserɛ piri hane Yisraelfoɛ nemɔ, na besu bɛfrɛle AWURADE.

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Yeremia 16:14

“Yiti, tie, AWURADE nwa nyoo: Mmerɛ bie ɔ́ba bɔ bɛngɔhɔ so bɛngɔhã kyɛ, ‘AWURADE bɔ ɔyele Yisraelfoɛ fili Misraim aseɛ so ne, kyɛ ɔte ase ye de,’

Numeri 20:13

Ɛhe ole Meriba asue, nekaa bɔ Yisraelfoɛ ne AWURADE nyane dwudwolɛ, berɛ yeɛ AWURADE yele ye krongronyɛlɛ ali ɔ.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Deuteronomi 5:6

“ ‘Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.