Edwein 81:6 - AHYERƐLƐ KRONGRON

⁶ “Nyele adesoa piri ne mvili ye bati so, ye sa yakyili kɛndɛen kukulɛ.

Edwein 81:6 Iomraidhean Croise

1 Aberɛso Dwirɛ 4:23

Bɛ yeɛ bɛnwo ngukue ná bɛte Netaim ne Gedera ne. Né bɛte berɛ bɛyɔ adwuma bɛma (maen ne anu) hene.

Edwein 114:1

Mmerɛ bɔ Yisrael fili Misraim ne, bɔ Yakob boso ama fili maen bɔ bɛkã dwudwolɛ foforɛ so ne,

Edwein 122:4

Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

Edwein 68:13

ɔwɔ nu kyɛ bɛlela mmoaennduin nu de, nakoso bɛte kyɛ abubure bɔ ɛdwetɛ kata ye ndaa nwo, ye ndɛkra te kyɛ esikaa kɔkorɛ bɔ ɔte yerɛmyerɛm ɔ.

Ɛksadɔso 1:14

Bɛmane bɛ wora bɔle, ofikyɛ bɛhyɛle bɛ maa bɛyɔle adwuma bɔ ɔbo bɛ so wɔ nnɛterɛ ne mmerekese pɛlɛ nu, fieso adwuma ahoroɔ nu; na bɛhyɛle bɛ anyeborolɛ paa wɔ adwuma biala nu.

Ɛksadɔso 6:6

Yiti ka kyire Yisraelfoɛ kyɛ, “Me ole AWURADE, na ngɔye ɛmɔ ngofi Misraim amaneɛnwunɛ nu, ná male ɛmɔ mafi bɛ ngoaasolɛ nu. Na ɔnate tumi asaa ne asohwenɛ mbiri mbiri so yeɛ ngɔfa ngole ɛmɔ ɔ.

Yesaya 10:27

Na ɔkɔwa kyɛ, sɔ mmerɛ ne, ye adesoa bɔ ɔfa tole wɔ kɔme anwo ne ɔkɔye kofi berɛ, na ye kɔnnua ne anu kobubu kɔye kofi wɔ kɔme. Na ɔnate nomenome bɔ ɛkɔyɛ ne ati, kɔnnua ne anu kobubu.”

Yesaya 9:4

Ofikyɛ b’adesoa bɔ ɔso bɛ ne, bakaa bɔ ɔla bɛ kɔme anwo ne, yeɛ mmenia bɔ bɛhyɛ bɛ so nemɔ b’abopura ne, abubu nu kyɛ kyẽa bɔ elili Midian so ngonim ne.

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.