Edwein 81:3 - AHYERƐLƐ KRONGRON

³ Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Edwein 81:3 Iomraidhean Croise

2 Ahemvo 4:23

Ohu bisale kyɛ, “Ɛnɛ kyẽa ye, nna ɛsraen foforɛ aluolue kyẽa ɔ, yeɛ nna afofikyẽa ɔ, nzu ati yeɛ ɛkɔ ye berɛ ɔ? Na braa ne buale kyɛ, “Ɔte bɔkɔɔ”

1 Aberɛso Dwirɛ 15:16

Dawide sa fale ahyɛdeɛ mane Lewi abusua kure mbanyi ne, kyɛ bɛye edweintolɛfoɛ maa bɛbɔ sangoo, adengum ne firikyiwa bɛto anigye dwein.

1 Aberɛso Dwirɛ 15:19

Bɛyele edweintolɛfoɛ Heman, Asafe ne Etan kyɛ bɛbɔ kɔɔbere firikyiwa ne.

1 Aberɛso Dwirɛ 15:24

Sebania, Yosafate, Netanɛl, Amasae, Sakaria, Benaya ne Eliesa bɔ bɛte asɔfo ne, odi kyɛ behu totorobɛndo nemɔ wɔ Nyameɛ alaka ne nyunu. Na nekaa bɔ alaka ne gyi ne, né Obɛde Edom ne Yehia bɛboka bɛ bɔ bɛwɛne pambim nemɔ aso.

1 Aberɛso Dwirɛ 16:42

Edwein bɔ bɛto ne, né Heman ne Yedutun yeɛ bɛbɔ totorobɛndo ne firikyiwa ne ɔ. Afei né besa bɛbɔ sangoo bɛto edwein krongron ne. Na Yedutun mma mmienzua nemɔ, bɛyele bɛ kyɛ bɛyɛ pambim awɛmvoɛ.

1 Aberɛso Dwirɛ 16:6

Né odi kyɛ asɔfo Benaya ne Yahasiɛl behu totorobɛndo daa wɔ Nyameɛ apam alaka ne nyunu.

1 Aberɛso Dwirɛ 25:1

Dawide ne safohene nemɔ, betuli mmenia befili Asafe abusua nu, Heman abusua nu ne Yedutun abusua nu besiele berɛ kyɛ bɛbɔ sangoo, adengum ne firikyiwa bɛfa bɛhyɛ ngɔm. Mmenia bɔ bɛyɛle adwuma ne ɛhe, yeɛ b’adwuma bɔ bɛyɔle ɛhe:

2 Aberɛso Dwirɛ 13:12

Ɛ́mɔtie, Nyameɛ yeɛ otua yɛ noa ɔ. Ye asɔfo nemɔ betiratira bɛ koɛ totorobɛndo bɔ behu bɛfrɛ mmenia maa yɛne ɛmɔ bako ɔ. O Yisraelfoɛ, nnɛma ɛmɔfa koɛ bɛtoa AWURADE, ɛmɔ nana mɔ Nyameɛ ne, ofikyɛ ɛmɔngɔhora bengoli ngonim.”

2 Aberɛso Dwirɛ 13:14

Yudafoɛ nemɔ pɛnene bɛ nye ne, benwuni kyɛ koɛ ne afite bɛ nyunu ne bɛ si. Yudafoɛ nemɔ sũ frɛle AWURADE, na asɔfo nemɔ huli totorobɛndo nemɔ.

2 Aberɛso Dwirɛ 2:4

Mepena kyɛ mesi awuro mefa AWURADE me Nyameɛ dumaa meto so, ná metu mesie berɛ mema ye maa bɛyera ɛyɛɛ fona wɔ ye nyunu, ná bɛbɔ daadaa paanoo folii afɔleɛ ne, ngyerɛmɔ ne nɔsoa naen yeralɛ afɔleɛ wɔ afofikyẽa ne ɛsraen foforɛ ɔne AWURADE yɛ Nyameɛ aluolue bɔ wahyehyɛ wato berɛ ne, kyɛbɔ wahyehyɛ wato berɛ wama Yisrael afebɔɔ ne.

2 Aberɛso Dwirɛ 5:12

na né Lewifoɛ bɔ bɛte edweintolɛfoɛ, bɔ bɛ ole Asafe, Heman ne Yedutun ne, bɛ ne bɛ mma ne bɛ sasofoɛ, baherahera nwera nyemene, bɔ bɛbɔ firikyiwa, adengum ne sangoo ɔ. Né begyigyi afɔleɛ bokyea ne, ye eyia afiteleɛ so, bɔ asɔfo totorobɛndohulɛfoɛ ɛyaa ko aburanyɔ boka bɛ so ɔ.)

2 Aberɛso Dwirɛ 8:13

Ɔbɔle afɔleɛ biala bɔ odi kyɛ ɔbɔ ye kyẽa biala ɔ, kyɛbɔ Mose mmeraa nu afɔleɛ nhyehyɛleɛ te ne: ɔbɔle afofikyẽa deɛ, ɛsraen foforɛ deɛ, afoɛnoa afoɛnoa aluolue nza nemɔ deɛ bɔ bɛ ole Paanoo Kabrɛdi aluolue, Dapɛn Dapɛn aluolue ne Asese aluolue ne.

Edwein 149:3

Odi kyɛ bɛfa abilie bɛye ye dumaa ayɛ, odi kyɛ bɛfa akasaa ne adengum bɛto ye nwo dwein.

Edwein 33:2

Ɛ́mɔfa sangoo bɛye AWURADE ayɛ; ɛ́mɔfa sangoo bɔ ye nyamaa buru ne bɛto ye nwo anigye dwein.

Edwein 98:6

Ɛ́mɔfa totorobɛndo ne awɛenhulɛ beli ahurusi bɛbɔ ese wɔ AWURADE bɔ ɔte hene ne nyunu.

Awuye 2:6

Ole anyeborolɛ ɔsɛkyele ye ɛtena sua kyɛ ɔsɛkye eboo ɔ. Wasɛkye ye nekaa mɔ bɔ beyia nu ne; AWURADE ama bɛ wora afi, aluolue ne afofingyẽa nemɔ wɔ Sion, na ye ahone bɔ wahu ne, wabu ɛhene ne ɔsɔfo animtia.

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 28:11

Sɛ ɛmɔhyɛ bosome biala bo a, odi kyɛ ɛmɔbɔ naen yeralɛ afɔleɛ bɛma AWURADE. Ɛ́mɔfa nandwie nyii akrɔngrɔma nyɔ, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ bɛbɔ afɔleɛ.

Deuteronomi 16:15

Aluolue ne, di ye ɛlɛsoo fa hyɛ AWURADE wɔ Nyameɛ animnyam, wɔ nekaa bɔ AWURADE kɔneanea nu kɔye kosie berɛ ne; ofikyɛ AWURADE wɔ Nyameɛ koyira wɔ wɔ wɔ fieso nningyein ne wɔ sa noa adwuma mukoraati nu, na wɔ nye kɔgye paa.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.