Edwein 81:2 - AHYERƐLƐ KRONGRON

² Ɛ́mɔkenga edwein, ɛ́mɔwoso akasaa ne, ɛ́mɔbɔ sangoo fɛɛfɛɛ ne adengum ne.

Edwein 81:2 Iomraidhean Croise

2 Aberɛso Dwirɛ 5:13

Totorobɛndohulɛfoɛ ne edweintolɛfoɛ nemɔ, b’adwuma ole kyɛ bɛkɔbɔ nu bɛkɔye AWURADE ayɛ bɛkɔla ye ase ɔ. Na sɛ bɛkenga edwein ne a, bɛfa totorobɛndo ne firikyiwa ne edweintolɛ nningyein ahoroɔ besuro so bɛye AWURADE ayɛ kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.” Sɔ mmerɛ ne, munungum yili AWURADE awuro berɛ tɛkyɛ.

Nehemia 12:42

yeɛ Maaseya, Semaya, Eleasa, Yusi, Yehohanan, Malkiya, Elam ne Esere koso beegyinane berɛ bie. Na edweintolɛfoɛ ne tole dwein, na né Yesrahia yeɛ ɔla bɛ noa ɔ.

Edwein 59:17

Ao m’anwoserɛ, ngɔto dwein ngɔye wɔ ayɛ, ofikyɛ ao Nyameɛ, wɔ yeɛ ɛte m’anwoserɛ afealeɛ ɔ, Nyameɛ bɔ ɔye ɔdɔ bɔ onni ngasi ne ali kyire me ɔ.

Edwein 92:3

mmerɛ bɔ bɛbɔ sangoo bɔ ye nyamaa buru ɔne adengum ne, odi kyɛ bɛfa sangoo bɛto dwein.

Ɛksadɔso 15:20

Afei ngɔmhyɛlɛniɛ Miriam bɔ ɔte Aarɔn aliɛma brasua ne, ɔfale akasaa tirale, na mmrasua ne amukoraa bɛwosole akasaa begole abilie befitele belili ye si.

Marko 14:26

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

Yakobo 5:13

Ɛmɔ nu bie onwu amaneɛ anaa? Maa ɔbɔ mbaeɛ. Ebie nye agye anaa? Maa ɔto ayɛyelɛ dwein.