Edwein 81:14 - AHYERƐLƐ KRONGRON

¹⁴ Ahaa ngɔbrɛ bɛ pɔfoɛ mɔ ase ndɛndɛ, ná mafa me tumi mali bɛ pɔfoɛ mɔ so ngonim.

Edwein 81:14 Iomraidhean Croise

Edwein 47:3

Ɔbrɛ maen maen ase wura yɛ bo, ɔfa maen maen mɔ wura yɛ gya bo.

Yesaya 48:18

O, sɛ ahaa ɛyɛle asoɛ tiele me mmeraa dwirɛ a! Ahaa w’asomdwee kɔyɛ kyɛ asue, ahaa wɔ tenenee kɔyɛ kyɛ ɛpo asorɔkye;

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Numeri 14:45

Yeɛ Amalɛkefoɛ ne Kanaanfoɛ bɔ bɛte mmokaa aseɛ ne aso ne beeyiale bɛ ɔ. Belili Yisraelfoɛ so ngonim, na bɛfoane bɛ toonn beedwuli Hɔma.

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

Deuteronomi 10:12

“Yiti afei, Yisrael, nzikyɛ yeɛ AWURADE wɔ Nyameɛ pena fi wɔ berɛ ɔ? Bɔ ɔpena ole kyɛ ekosuro AWURADE wɔ Nyameɛ, ná ɛkɔfa ye atee mukoraa so, ná ekohuro ye dwirɛ, ná ɛkɔfa w’ahone mukoraati ne wɔ kra mukoraati ɛkɔso AWURADE wɔ Nyameɛ ɔ,

Yosua 23:13

ye de ɛ́mɔnwu ye kyɛ, AWURADE ɛmɔ Nyameɛ ne, ɔngɔfoa maen maen hemɔ ngofi ɛmɔ nyunu ko, na mmom bɛkɔkakyi ɛmɔ so ngaen ne atodum. Bɛkɔkakyi mbire bekofi ɛmɔ, ná bakakyi mmowue bawowɔ ɛmɔ nye, kɔpem kyɛ ɛmɔkowuwu bekofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.