Edwein 81:12 - AHYERƐLƐ KRONGRON

¹² Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Edwein 81:12 Iomraidhean Croise

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

2 Ahemvo 18:12

Sɔ dwirɛ ne tole Yisraelfoɛ, ofikyɛ bandie AWURADE bɛ Nyameɛ dwirɛ, na mmom bebuli ye apam so. Bɔ AWURADE somvoɛ Mose hyɛle ne amukoraa, bandie, na banni so.

Nehemia 9:16

“Nakoso bɛ ne yɛ nana mɔ bɛyɛle anwomasoɛ ne asoserɛ, na banni wɔ mmeraa dwirɛ ne aso.

YOB NWOMAA NE 8:4

Sɛ wɔ mma nemɔ bɛyɔle ye bɔne a, wamaa banya bɛ mmeraatolɛ nwo akatuaa.

Ɛksadɔso 11:9

Na AWURADE sele Mose kyɛ, “Faro ngɔtɛ ɛmɔ so, na ɔnate so m’anwanwadeɛ kɔsone pee wɔ Misraim aseɛ so.”

Yesaya 30:1

AWURADE nwa nyoo, “Mmaa bɔ bayɛ lɔen, bɛ yaakɔ, bɛbɔ porɛ bɔ nna me nhyehyɛleɛ ahɔ ɔ, bɛyɛ apam bɔ me sunzum mvoa so ɔ, bɛyɔ bɔne bɛtoatoa bɔne so.

Yesaya 30:9

Ofikyɛ bɛte maen bɔ bɛyɛ lɔen ɔ, mmaa nnakannakafoɛ, mmaa bɔ bɛnyɛ sotie bɛmma AWURADE mmeraa ɔ.

Yesaya 42:24

Nwa yeɛ ɔfale Yakob wurale apaabɔlɛfoɛ mɔ bɛ sa, ná ɔfale Yisrael wurale awerɔm awuefoɛ bɛ sa ɔ? AWURADE bɔ yayɔ bɔne yatia ye, bɔ bamva ye atee so, bɔ banni ye mmeraa so ne, aso nna ye ɔ?

Yeremia 42:21

Na ɛnɛ kyẽa ye, mafa mato ɛmɔ nyunu, nakoso ɛmɔandie AWURADE ɛmɔ Nyameɛ noa dwirɛ, anaa bɔ ɔfa somane me kyɛ nga ngyire ɛmɔ ne anu biala.

Yeremia 7:24

Nakoso bandie me dwirɛ, yeɛ banyɛ asoɛ bamma me. Na mmom, belili bɛ bɔbɔ bɛ ti piri bɛyɔle bɔne bɔ bekuro ɔ. Bɛkakyili bɛ si bɛmane me bɔ bannea me nyunu ɔ.

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Hosea 9:17

Me Nyameɛ kɔpo bɛ, ofikyɛ banyɛ sotie bamma ye, na bekohyinihyini maen maen mɔ so.

Lewitikɔso 26:14

“Nakoso sɛ ɛmɔanyɛ sotie bamma me, ná ɛmɔanni mmeraa dwirɛ hemɔ amukoraati so,

Asomafoɛ 14:16

Daa tete mmerɛ bɔ wapɛ nu ne de, ɔmane maen maen amukoraa ate maa bɛyɔle bɔ bekuro ɔ,

Asomafoɛ 7:42

Yiti Nyameɛ yele ye nye, na ɔyele bɛ mane kyɛ bɛsɔne nyameɛso nzramaa, kyɛbɔ bahyerɛ ye wɔ ngɔmhyɛlɛfoɛ nwomaa ne anu kyɛ, ‘O Yisrael awuro ama! Afoɛ aburanna bɔ ɛmɔlili ye wɔ ɛserɛ so ne, aso ɛmɔfale ngaka ne aleɛ bɛbɔle afɔleɛ bɛmane me?

Romanfoɛ 1:24

Yiti Nyameɛ pole b’akɔnnɔ fiɛ bra ne mane bɛ maa beguaguale bɛ nwo bɛ nwo nipadua nwo fiɛ.

1 Samuel 8:19

Nakoso maen ne hwi fale Samuel noa dwirɛ so, na bɛhane kyɛ, “Daabi, yɛpena ɛhene bɔ ɔkɔla yɛ noa ɔ;