Edwein 80:8 - AHYERƐLƐ KRONGRON

⁸ Etuli bobe bo fili Misraim wale, ɛfoane amaen maen mɔ fili aseɛ ne aso, na eluale.

Edwein 80:8 Iomraidhean Croise

Edwein 31:17

Ao AWURADE, nnɛma me nyunu gua ase, ofikyɛ mesu mefrɛ wɔ. Ma amumuyɛɛfoɛ bɛ nyunu ogua ase, ma bɛ noa omua maa bɛfa bɛhɔ ɛborɔ.

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 60:3

Ama amaneɛ paa yeɛ wato wɔ maen ɔ, ama yɛ nzaa maa yano bɔ yɛnate fofalifofali ɔ.

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Hesekiel 15:6

Yiti AWURADE Nyameɛ nwa nyoo: Kyɛbɔ bobe bakaa bɔ ɔfra ɛhɔayeɛ nu mmakaa nu, bɔ mafa masɔ see mayera ye nen, sɔ ala yeɛ ngɔmaa ɔkɔto Yerusalemfoɛ ɔ.

Hesekiel 17:6

Ofifili yɛle bobe bakaa, obuale bɔ wangɔ anwuro ɔ; ye mmaen nemɔ bɛtrɛtrɛle bɛhɔle kɔleɛ ne anwo, nakoso ye ndii nemɔ de, né bɛtɛwɔ bakaa ne abo. Yiti ɔyɛle bobe bakaa, onyane mmaen mɔ, na ɔfefɛle nyaa.

Hesekiel 19:10

Ahaa né wɔ maame te kyɛ bobe turo nu bobe bɔ balua ye nzue noa ɔ; na nzue somaa bɔ onyane ye ne ati, onyane mmaen pee, na osuli mmaa.

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Yosua 13:6

Na Sidonfoɛ amukoraa bɔ bɛtete mmokaa aseɛ ne aso, fite Lebanon bɔ ɔkwaadwu Misrefote Maim ne, me bɔbɔ yeɛ ngɔfoa bɛ ngofi Yisraelfoɛ nyunu ɔ. Na wɔ de, kyekyɛ aseɛ ne ma Yisraelfoɛ maa ɔyɛ b’agyapadeɛ, kyɛbɔ mahyɛ wɔ kyɛ ɛyɔ ne ala.