Edwein 80:13 - AHYERƐLƐ KRONGRON

¹³ Ɛhɔayeɛ nu kɔkɔte tiatia so, na eburo ngaka amukoraa bɛtete bedi.

Edwein 80:13 Iomraidhean Croise

2 Ahemvo 17:20

AWURADE pole Yisrael boso ama amukoraa. Ɔhwene bɛ so fale bɛ wurale apaabɔlɛfoɛ mɔ sa, kɔpem kyɛ ɔfoane bɛ fili ye nyunu ɔ.

Edwein 89:42

Ama bɛ bɔ bɛhyɛ ye so ne bali ye so ngonim, ama ye pɔfoɛ amukoraa bali ahurusi.

Yesaya 5:5

Afei de, bɔ ngɔfa ngɔyɔ me bobe boo ne, mebaahã mekyire ɛmɔ. Ngotutu ye nwo waen ne maa ngaka kooli; ngodwiri ye nwo fasue ne ngogua maa bekotiatia bobe ne aso.

Yeremia 4:7

Gyata bie afi ye sosorɛ bo wafite, na maen maen sɛkyelɛniɛ ne, waye ye ti ɔba; wafi ye atenaleɛ berɛ ɔba, kyɛ ɔbaabɔ wɔ maen ne; na wɔ nguro nemɔ kɔkakyi kurofoen, bɔ sona biala ngɔtena so ɔ.

Yeremia 5:6

Yiti gyata kofi ɛhɔayeɛ nu koohũhũ bɛ, pataku kofi ɛserɛ so kɔɔtete bɛ nu pasapasa. Aboa tetɛ bɛ wɔ bɛ nguro nemɔ aso, na ebiala bɔ okofi kuro ne anu kofite ne, ɔkɔtete ye nu pasapasa, ofikyɛ bɛ mmeraatolɛ sone, na b’asefinɛ ne te piri.

Yeremia 51:34

“Babilɔn hene Nebukadenesa wapura me, wapɛkyɛ me; wayɛ me tondura too, wame me kyɛ sasrabɔnzam yeɛ wame me ɔ; wafa me kunu nningyein fɛɛ wayi ye ko, na wafe me wato ase.

Yeremia 52:7

Na bɛbɔngyebɔngyele kuro berɛ fasue ne anu tokuro. Ɔwɔ nu kyɛ né Kaldeafoɛ bapɛ kuro ne anwo bayia de, nakoso kɔngɔen, koɛhonɛfoɛ nemɔ amukoraa bɛnwati bɛfale pambim bɔ ɔwɔ fasue bɔ ɔbɔ ye nwo nyɔ ne anu befili kuro berɛ bɛhɔle. Sɔ pambim ne, opingye ɛhene turo ne. Bɛfale bɛ nye behyirele asue Yɔɔdan bɔnza ne anu dɔ.

Hesekiel 19:12

Nakoso betutuli bobe bakaa ne abo anyeborolɛ so, na begyili ye bɛtole ase. Eyia afiteleɛ mvrama kesene ye mma nemɔ, ye mmaen serɛserɛ nemɔ wuli, na see yerale bɛ.

Nahum 2:3

Ye anwoserɛfoɛ nemɔ b’akokyɛm nwo aboro kɔɔ, na ye koɛhonɛfoɛ nemɔ baherahera kɔbene. Teaseɛnam nemɔ, bɛte see yerɛmyerɛm wɔ ye kyẽa bɔ ɔboaboa ye nwo kɔ koɛ ne, na ɛframmire nemɔ bɛwoso paa.