Edwein 80:1 - AHYERƐLƐ KRONGRON

¹ Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 80:1 Iomraidhean Croise

2 Samuel 6:2

Dawide ne koɛhonɛfoɛ bɔ bɛboka ye so ne amukoraa besili nu befili Baale Yuda, kyɛ bɛkwaafa Nyameɛ apam alaka ne bɛba. Alaka ne, Asafo AWURADE bɔ ye ahennie bia wɔ kɛrubim nemɔ afia ne, ye dumaa la so.

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

YOB NWOMAA NE 10:3

Aso ɔte paa ma wɔ kyɛ ɛkɔfa me kɔfa ateetee nu ɔ, kyɛ ɛkɔpo wɔ sa noa adwuma ɔ, ɔne kyɛ ɛkɔma wɔ nye kɔgye amumuyɛɛfoɛ bɛ porɛbɔlɛ nwo ɔ?

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Edwein 5:1

Ao AWURADE, tie me noa dwirɛ, ná yɛ asoɛ tie adwenedwene bɔ watɔ me so ɔ.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 50:2

Sion bɔ ye anwonyemene di mu ne, Nyameɛ ta hyireinn fi berɛ.

Edwein 55:1

Ao Nyameɛ, yɛ asoɛ tie me mbaeɛ; nnɛma m’abisadeɛ ogua wɔ so asi.

Edwein 60:1

Ao Nyameɛ, apo yɛ, abɔ yɛ asande; afɛ yaa, ao yɛsrɛ wɔ, maa yɛpe yɛ daa nu!

Edwein 69:1

Ao Nyameɛ, pepɛ de me, ofikyɛ nzue ne ayi waadwu me kɔme anu.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Edwein 78:52

Na afei olili ye mmenia nyunu kyɛ mmoaen, na ohyirele bɛ atee kyɛ mmoaen kure wɔ ɛserɛ ne aso.

Edwein 78:67

Ɔpole Yosef ɛtena sua ne, na ɔneaneane nu ne, wanye Efraim abusua kure;

Edwein 80:19

Ao AWURADE, Asafo Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Edwein 80:3

Ao Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Edwein 80:7

Ao Asafo Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Edwein 94:1

Ao AWURADE, wereɛtɔlɛ Nyameɛ, wereɛtɔlɛ Nyameɛ, kyire wɔ tumi!

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 60:1

Dwɔso, ta hyireinn, ofikyɛ wɔ kanea ne wawa, yeɛ AWURADE animnyam ne apukye wɔ so.

Yesaya 63:11

Na afei ɔkayele daa tete mmerɛ ne, Mose ne ye maen, na obisale kyɛ, Ye bɔ ɔyele bɛ fili ɛpo nu, bɔ ɔte ye mmoaen so neafoɛ ne, ɔwɔ nisua? Ye bɔ ɔfale ye Sunzum krongron ne ɔɔtenane bɛ nu ne, ɔwɔ nisua?

Hesekiel 1:13

Abɔdeɛ ateasefoɛ nemɔ bɛ sue ne, besoma see bɔ wasɔ gonn ɔ, besoma kanea bɔ ɔkɔ ye nyunu ne ye si wɔ abɔdeɛ ateasefoɛ nemɔ b’afia ɔ. Né see ne ta, na agralaa tete fili see ne anu.

Hesekiel 10:4

Yeɛ AWURADE animnyam ne mane ye nwo so fili kɛrubim nemɔ aso hɔle awuro ne anoa nu dɔ, munungum ne yili awuro berɛ tɛkyɛ, na AWURADE animnyam ne yili aluo berɛ tɛkyɛ mane berɛ tale hyireinn.

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Daniel 9:17

Yiti yɛ Nyameɛ, w’adaworoma, tie wɔ somvoɛ mbaeɛ ne ye sufrɛ; na ɔnate wɔ, AWURADE wɔ ti, ma wɔ ɛlolɛ ne ɔbra nekaa krongron bɔ wakakyi dandue ne aso.

Yohane 10:14

Me ole mmoaenneafoɛ paa ne; mese me deɛ, na me deɛ koso se me,

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

1 Petro 5:4

Na sɛ Mmoaenneafoɛ panyi ne ɔye ye nwo ali a, ɛmɔkonya animnyam abotire bɔ ɔnzɛkye koraa ne.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

1 Samuel 4:4

Yiti maen ne tuli mmenia maa bɛhɔle Silo, na Asafo AWURADE bɔ ɔte kɛrubim nemɔ b’afia ne, bɛɛfale ye apam alaka ne befili dɔ bɛwale. Hofini ne Finehase bɔ bɛte Eli mma nyɔ ne, né bɛwɔ Nyameɛ apam alaka ne anwo.