Edwein 8:5 - AHYERƐLƐ KRONGRON

⁵ Nakoso amaa wahɔ ase kãa bie watra abɔfo mɔ, na afa animnyam ne anidie abɔ ye abotire.

Edwein 8:5 Iomraidhean Croise

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

2 Samuel 14:29

Yeɛ Absalom somane kyɛ bɛɛfrɛ Yoabo bɛbrɛ ye ma ɔsoma ye Nana Dawide berɛ, nakoso Yoabo amma. Ɔsomane maa bɛhɔle Yoabo berɛ ye pɛen nyɔ so, nakoso wamma.

YOB NWOMAA NE 7:17

Dasaniɛ te nzu koraa, bɔ ebu ye titire sɔa ye, bɔ w’adwene wɔ ye so sɔa ye,

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 103:4

ye yeɛ ɔpepɛ de wɔ ngoa fi ɛborɔ kumaa nu ɔ, ye yeɛ ɔfa ɔdɔ bɔ onni ngasi ne anwumvoinnwunɛ ɔbɔ w’abotire ɔ;

Edwein 144:3

Ao AWURADE, dasaniɛ te nzu koraa bɔ wɔ nye ku ye nwo ye, yeɛ kuro sona te nzu bɔ ɛdwene ye nwo ye?

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Ɛfesofoɛ 1:21

na ɔte ahennie, tumi, anwoserɛ ne meneɛ amukoraa so hene, ɔne dumaa biala bɔ bɛfa bɛfrɛ ɔ, bɔ nna wiase wa angome, na mmom ewiase bɔ ɔbaawa ne koso anu.

Hebrifoɛ 2:16

Na ɔte nahorɛ kyɛ nna abɔfo mɔ yeɛ oolele bɛ ɔ, na mmom Abraham boso ama yeɛ oolele bɛ ɔ.

Hebrifoɛ 2:7

Ɛmaa ɔhɔle ase bie trale abɔfo mɔ, ɛfale animnyam ne anidie bɔle ye abotire, [ɛfale wɔ sa noa adwuma wurale ye sa,]

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.