Edwein 8:2 - AHYERƐLƐ KRONGRON

² Ɔnate wɔ pɔfoɛ mɔ ti, yeɛ kyɛbɔ ɔkɔyɛ bɔ ɛkɔhã pɔfoɛ ne ne wereɛtɔlɛniɛ ne bɛ noa kɔto nu ne ati, nnɔma ne ngwadaa mmaa mmaa bɛ noa, yeɛ ɛfa so ma mmenia te w’animnyam nwo dwirɛ ɔ.

Edwein 8:2 Iomraidhean Croise

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 4:4

Ɛ́mɔma ye nwo yɛ ɛmɔ suro, na nnɛma ɛmɔyɔ bɔne; ɛ́mɔdwene edwirɛ ne anwo wɔ ɛmɔ bɛen so, ná ɛ́mɔyɛ konn. Sela

Edwein 44:16

ɔnate bɛ bɔ bɛkã me anyinga bɛpepɛ me nzoaa ne, bɛ noa dwirɛ ti, yeɛ afei ɔnate pɔfoɛ ne ɔne wereɛtɔlɛniɛ ne ati.

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 57:6

Basua me ngaen, me kra wora abɔ. Betuli kumaa wɔ m’atee nu, nakoso bapɛ bɛ nwo batete bagua nu. Sela

Ɛksadɔso 11:7

Nakoso Yisraelfoɛ mɔ de, kyea po ongopo sona anaa kaka biala; amaa ɔnate so ɛmɔanwu ye kyɛ AWURADE ma nzonzoleɛ da Misraim ne Yisrael nu.

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Amose 5:9

Ye bɔ obubu anwoserɛfoɛ maa bɛyɛ mmerɛ ndɛndɛ so, ná obubu anwoserɛ afealeɛ mɔ ɔ.

Habakuku 2:20

Nakoso AWURADE wɔ ye asɔneyɛɛ sua krongron ne anu, na odi kyɛ aseɛ amukoraa yɛ konn wɔ ye nyunu.

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.