Edwein 8:1 - AHYERƐLƐ KRONGRON

¹ Ao AWURADE, yɛ Mene, wɔ dumaa piri paa ne kata aseɛ ye aso amukoraa! Wɔ bɔ w’animnyam wɔ ewienu anwuro anwuro ɔ!

Edwein 8:1 Iomraidhean Croise

1 Ahemvo 8:27

Nakoso Nyameɛ, aso ɛkɔtena aseɛ ye aso amba? Eh! Nyameɛso ne nyameɛso anwuro anwuro po, ɔte kãa ma wɔ, ná wayɛ kyɛ sua he bɔ masi ye!

Edwein 145:1

Me Nyameɛ ne me Hene, ngɔkamvo wɔ, na ngɔhyɛ wɔ dumaa animnyam afebɔɔ.

Edwein 148:13

Odi kyɛ bɛye AWURADE dumaa ne ayɛ, ofikyɛ ye ngome yeɛ ye dumaa te piri ɔ; ye animnyam trɛ ɔbo aseɛ ne nyameɛso so.

Edwein 36:5

Ao AWURADE, wɔ ɔdɔ bɔ onni ngasi ne, ɔkɔkã ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 57:5

Ao Nyameɛ, kyire kyɛbɔ esi te piri ɔ wɔ anwuro anwuro! Ma w’animnyam kata aseɛ ye aso amukoraa.

Edwein 63:1

Ao Nyameɛ, wɔ yeɛ ɛte me Nyameɛ ɔ, mepena wɔ serɛserɛ; me kra wora adɔ wɔ, me nwonaen ayɛ hodwoo ɔpena wɔ kyɛ aseɛ wosee katerepee bɔ ɔpena nzue ɔ.

Edwein 68:4

Ɛ́mɔto Nyameɛ nwo dwein, ɛ́mɔto ye dumaa nwo ayɛyelɛ dwein, ɛ́mɔpɛ atimbire bɛ́ma bɔ ɔte nikyee so ɔnate munungum so ne; ye dumaa ole AWURADE, na ɛmɔli ahurusi wɔ ye nyunu.

Edwein 8:9

Ao AWURADE, yɛ Mene, wɔ dumaa piri paa ne kata aseɛ ye aso amukoraa!

Edwein 81:1

Nyameɛ bɔ ɔte y’anwoserɛ ne, ɛ́mɔtea nu bɛto ye nwo dwein; ɛ́mɔfa ahurusi bɛbɔ Yakob Nyameɛ ne nwo ese.

Edwein 84:1

Ao Asafo AWURADE, w’atenaleɛ ne, kyɛbɔ osi yɛ nyemene ɔ!

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Edwein Nu Dwein 5:16

Ye noa dwudwolɛ yɛ fɛ paa, ye nwo nekaa biala yɛ nyemene. Ao Yerusalem ndaluwa, me kurofoɛ ne, me damvo ne, ye ɛne.

Yesaya 26:13

O AWURADE yɛ Nyameɛ, meneɛ biemɔ bɔ nna wɔ ahɔ ɔ bali yɛ so, nakoso wɔ ngome wɔ dumaa yeɛ yɛde yɛto nu ɔ.

Habakuku 3:3

Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.

Mateo 22:45

Na sɛ Dawide frɛ ye me Mene a, né ɔyɛle sɛɛ bɔ ɔte ɔwa ɔ?”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Ɛfesofoɛ 4:10

Na bɔ odwu wale ne, ye ala yeɛ ɔfo hɔle anwuro trale nyameɛso amukoraa ne, amaa wayi nningyein amukoraa nu tɛkyɛ.)

Deuteronomi 28:58

“Mmeraa he anu dwirɛ mukoraati bɔ bahyerɛ ye sɔ nwomaa he anu ne, sɛ anni so nahorɛ nu, ná anzuro sɔ animnyam dumaa suronyisuronyi, bɔ ye ole AWURADE wɔ Nyameɛ ne a,

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.