Edwein 79:5 - AHYERƐLƐ KRONGRON

⁵ Ao AWURADE, ɔkwaapem kyinzu? Aso ɛkɔfɛ yɛ so yaa afebɔɔ anaa? Wɔ nungunɛhwenɛ ne, aso okogye kyɛ see?

Edwein 79:5 Iomraidhean Croise

Edwein 103:9

Ɔngɔma ye ahone ngohu yɛ so daa, yeɛ ɔngɔma ye yaa ne ngɔtena berɛ daa.

Edwein 6:4

Sa bra, ao AWURADE, de me kra ngoa; pepɛ de me, ɔnate wɔ ɔdɔ bɔ onni ngasi ne ati.

Edwein 74:1

Ao Nyameɛ, nzu ati yeɛ apo yɛ afebɔɔ ye? Wɔ bɔbɔ wɔ mmoaen bɔ ɛma bɛ aleɛ ne, nzu ati yeɛ afɛ yɛ so yaa kandinga ye?

Edwein 80:4

Ao AWURADE, Asafo Nyameɛ, wɔ maen mbaeɛ ne, ɛkɔfɛ ye nwo yaa maa okoodwu kyinzu?

Edwein 80:5

Afa bɛ nye moen ayɛ aleɛ maa bali, yeɛ ama bɛ moen pembepembe maa bano.

Edwein 85:5

Aso ɛkɔfɛ yɛ so yaa afebɔɔ? Aso ɛkɔma wɔ yaa ne kɔhɔ aworɛ ndoatoasoɛ amukoraa bɛ so?

Edwein 89:46

Ao AWURADE, ɛkɔfa wɔ nwo kɔfea maa okoodwu kyinzu? W’ahone kohu kogye kyɛ see maa okoodwu kyinzu?

Edwein 89:47

Kaye kyɛbɔ me ngoa si te tikaape ɔ, kyɛbɔ ɛbɔle adasa mmaa mane nningyein bɔ ɔte mbaen ɔ!

Yesaya 64:9

O AWURADE, nnɛfɛ yaa piri, yeɛ nnɛkaye amumuyɛɛ afebɔɔ. Yɛsrɛ wɔ ala, kaye, yɛ mukoraa yɛte wɔ maen.

Awuye 5:22

Nakoso apo yɛ bɔkɔɔ, w’ahone ahu yɛ so paa.

Hesekiel 36:5

Yiti AWURADE Nyameɛ nwa nyoo: Nahorɛ nu, nungunɛ piri paa nu yeɛ mefa medwudwo metia maen maen ngaa nemɔ ɔ, ɔne Edom amukoraa; ofikyɛ bele anigye amukoraa ne animtia piri paa bɛfale m’aseɛ bɛyɛle bɛ deɛ, kyɛbɔ ɔkɔyɛ bɔ bɛkɔfẽ so nningyein bɛkɔfa ɔ.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Deuteronomi 32:16

Bɛsole nyameɛ foforɛ biemɔ mane Nyameɛ hwene ye nwo nungunɛ, na bɛfale akyiwadeɛ behuli ye ahone.

Deuteronomi 32:22

Ofikyɛ m’ahone bɔ wahu ne asɔ see, na ogye toonn kodwu ɛborɔ ye bo dɔ, ɔyera aseɛ ne so aleɛ, na ɔfa see to mmokaa mɔ bɛ nyinasoɛ nu.

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”