ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.
Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”
Na ngɔyakyi bɛ maa bɛkɔsoa bɛ bɛkɔhɔ aseɛ ye aso ahennie amukoraa so maa bekonwu amaneɛ, na ngɔmaa bɛkɔkakyi animguaseɛ nikye, anyandera dwirɛ, ngorohoɛ nikye ne ɛnomalɛ nikye wɔ nekaa amukoraa bɔ ngɔfoa bɛ ngoogua ne.
“Ofikyɛ Asafo AWURADE, Yisrael Nyameɛ nwa nyoo: Kyɛbɔ me yaafɛlɛ ne m’ahonehulɛ wale Yerusalemfoɛ so ne, sɔ ala yeɛ sɛ ɛmɔkɔ Misraim a, m’ahonehulɛ kɔwa ɛmɔ so ɔ. Ɛmɔkɔkakyi musue nikye, anwodwiri nikye, ɛnomalɛ nikye ne ngorohoɛ nikye; na ɛmɔ nye ngonwu wa ko.
Ye mmenia amukoraa bedi yealɛ, bɛpena aleɛ; bafa bɛ nningyein nyemenenyemene ne basesã aleɛ bama bɛ kra nwo atɔ ye. “Ao AWURADE, nea ná nwu ye, ofikyɛ bebu me animtia.”
O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.
O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”