Edwein 79:1 - AHYERƐLƐ KRONGRON

¹ Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Edwein 79:1 Iomraidhean Croise

2 Ahemvo 24:13

Nebukadenesa sesale AWURADE awuro agudeɛ amukoraa, ɔne ahemvie berɛ agudeɛ ne hɔle. Esikaa kɔkorɛ kulie amukoraa bɔ Yisrael hene Solomon maa bɛyɔle beguale AWURADE asɔneyɛɛ sua ne anu ne, ɔbobɔle bɛ. Ɛhe amukoraa sili kyɛbɔ AWURADE hane ne ala.

2 Aberɛso Dwirɛ 36:17

Yiti Nyameɛ mane Babilɔn hene fale koɛ ɔɔtoale bɛ, na ɔfale ngrandɛ huhuni bɛ mmerandeɛ mɔ wɔ bɛ nekaa krongron awuro berɛ. Babilɔn hene wannwu aberandeɛ anaa taluwa, aworowaa anaa yarefoɛ biala anwumvoin, na Nyameɛ fale bɛ mukoraa wurale ye sa.

2 Aberɛso Dwirɛ 36:19

Bɛyerale Nyameɛ awuro ne, bebubuli Yerusalem fasue ne beguale, bɛyerale Yerusalem ahemvie nemɔ amukoraa, na nu nningyein bɔ ye nyɔboɛ yɛ se ne, bɛyerale ye mukoraa.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 78:71

mmoaen bɔ bɛma bɛ mma nyɔfone ne, ɔmaa ɔyakyili bɛ so nealɛ, kyɛ ɔɔnea ye maen Yakob, bɔ ye ole Yisrael bɔ ɔte ye agyapadeɛ ne aso.

Ɛksadɔso 15:17

Ɛkɔfa bɛ kɔwa, ná aabɔ bɛ atenaseɛ wɔ wɔ bɔbɔ wɔ bokaa ne aso, nekaa bɔ afa ayɛ w’atenaleɛ ne, O AWURADE, nekaa krongron bɔ afa wɔ sa asiesie ne, O AWURADE.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yesaya 63:18

Wɔ maen krongron ne, onyane w’agyapadeɛ ne mmerɛ kãa bie, nakoso yɛ pɔfoɛ mɔ bahwi bafa wɔ nekaa krongron ne aso.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 39:8

Kaldeafoɛ nemɔ fale see bɛyerale ahemvie ne, ɔne amanvoɛ awuro mɔ, na bedwirili Yerusalem fasue ne beguale ase.

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Hesekiel 9:7

Yeɛ osele bɛ kyɛ, “Ɛ́mɔgua sua ne anwo fiɛ, ná ɛ́mɔfa bɛ bɔ ɛmɔahũhũ bɛ ne béyi aluo berɛ to. Ɛ́mɔsi nu bɛhɔ!” Yiti besili nu bɛhɔle, na behuhuni mmenia wɔ kuro ne anu.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.