Edwein 78:71 - AHYERƐLƐ KRONGRON

⁷¹ mmoaen bɔ bɛma bɛ mma nyɔfone ne, ɔmaa ɔyakyili bɛ so nealɛ, kyɛ ɔɔnea ye maen Yakob, bɔ ye ole Yisrael bɔ ɔte ye agyapadeɛ ne aso.

Edwein 78:71 Iomraidhean Croise

Gyenesise 33:13

Nakoso Yakob sele ye kyɛ, “Me mene se kyɛ ngwadaa nemɔ bɛ mve ottini, yeɛ mmoaen ne nandwie bɔ bɛ mma tua nyɔfone noa koso boka me so; na sɛ yɛmaa bɛnate pee ɛlɛho a, ngaka ne amu kowuwu.

2 Samuel 20:19

Asomdwee mmenia ne mmenia bɔ bedi nahorɛ wɔ Yisrael ne, bɛ nu ko ole me. Kuro bɔ ye nwo hia paa wɔ Yisrael yeɛ ɛpena kyɛ ɛbɔ ye ɔ. Nzu ati yeɛ ɛpena kyɛ enua AWURADE agyapadeɛ boso ɔ.”

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

2 Samuel 5:2

Daa ne, bɔ né Sɔɔlo di yɛ so hene ne, né sɛ yɛkɔ oo, sɛ yɛba oo, wɔ yeɛ né edi Yisrael nyunu ɔ. Na AWURADE aha ahyire wɔ kyɛ, Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ɛkɔla Yisrael noa ɔ.”

2 Samuel 7:8

“Yiti ka kyire me somvoɛ Dawide kyɛ, Asafo AWURADE nwa nyoo: Me yeɛ nyele wɔ mvili mmoaen nealɛ nu, ɔne mmoaen si lilɛ nu, ná mvale wɔ nduale me maen Yisrael noa ɔ.

1 Aberɛso Dwirɛ 11:2

Daa ne, bɔ né Sɔɔlo di yɛ so hene ne po, sɛ Yisrael ɔkɔhɔ oo, sɛ ɔkɔwa oo, wɔ yeɛ né ɛla ye noa ɔ. Na AWURADE wɔ Nyameɛ wahã wahyire wɔ kyɛ, ‘Wɔ yeɛ ɛkɔyɛ me maen Yisrael so neafoɛ ɔ, na wɔ yeɛ ekoli me mmenia Yisraelfoɛ so hene ɔ.’ ”

Edwein 28:9

Ao, pepɛ de wɔ maen, ná yira w’agyapadeɛ; yɛ bɛ so neafoɛ, na nea bɛ so afebɔɔ.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

1 Samuel 10:1

Afei Samuel fale ngoo towaa, otutu guale Sɔɔlo ti so, na ɔtɔle ye nu hane kyɛ, “AWURADE apopa wɔ ngoo wafa wɔ wali ye maen Yisrael so hene. Wɔ yeɛ ɛkɔla AWURADE maen ne noa ɔ, na bɛ pɔfoɛ mɔ bɔ bapɛ bɛ nwo bayia ne, wɔ yeɛ ɛkɔpepɛ kole bɛ kofi bɛ sa nu ɔ. Na bɔ okohyire kyɛ AWURADE afa wɔ wali ye agyapadeɛ so hene ɛhe: