Edwein 78:5 - AHYERƐLƐ KRONGRON

⁵ Ɔhyehyɛle ahyɛdeɛ wɔ Yakob nu, na ɔhyɛle mmeraa wɔ Yisrael nu. Ɔfa yɛle ahyɛdeɛ mane yɛ nana mɔ, kyɛ bɛfa behyirehyire bɛ mma mɔ,

Edwein 78:5 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Edwein 119:152

Nzua mvili wɔ noa dwirɛ ne anu dadadada, kyɛ afa ahyɛdeɛ ne atimu berɛ afebɔɔ.

Edwein 147:19

Ɔlale ye dwirɛ ali hyirele Yakob, ɔfale ye ahyɛdeɛ ne ye nhyehyɛleɛ mane Yisrael.

Edwein 19:7

AWURADE mmeraa ne te pɛpɛɛpɛ, ɔkanyane sona kra; AWURADE dwirɛ te nahorɛ, na ɔma sona tetekwaa onwu nworɛ.

Edwein 81:5

Ɔmaa ɔyɛle ahyɛdeɛ mane Yosef, mmerɛ bɔ ohwi fale Misraim aseɛ so hɔle, nekaa bɔ ndele dwudwolɛ bie bɔ nndele bie le ne.

Ɛksadɔso 12:27

Ɛmɔhã kyɛ, ‘Ɔte Abɔtra afɔleɛ bɔ yɛbɔ yɛma AWURADE bɔ ohuhuni Misraimfoɛ ne. Nakoso odwuli Yisraelfoɛ awuro mɔ nwo wɔ Misraim nen, ɔpɛle nu hɔle maa yɛnyane yɛ ti yɛdidili nu.’ ” Na mmenia ne bɔle bɛ ti ase bɛsɔne (Nyameɛ).

Ɛksadɔso 25:16

Fa Adanzeɛ bɔ mebaafa mema wɔ ne to alaka ne anu.

Ɛksadɔso 25:21

Fa mbata bia ne sie alaka ne aso anwuro, ná fa Adanzeɛ bɔ mebaafa mema wɔ ne to alaka ne anu.

Ɛksadɔso 40:20

Ɔfale Adanzeɛ ne tole apam alaka ne anu, ɔfale mbuna nemɔ wurawurale apam alaka ne anwo, na ɔfale mbata bia ne siele alaka ne aso.

Ɛksadɔso 40:3

Fa Adanzeɛ alaka ne sie nu, ná fa mbɛmuɛ tena ne nwi alaka ne nyunu.

Yesaya 38:19

Ateasefoɛ, ateasefoɛ yeɛ bɛda wɔ ase ɔ, kyɛbɔ ɛnɛ meda wɔ ase ye; baba yeɛ okyire mmaa wɔ nahorɛlilɛ ne ɔ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Romanfoɛ 3:2

Ye nwo le mvasoɛ atee pee so! Bɔ oli moa ɔ, Nyameɛ fale ye noa dwirɛ wurale Yudafoɛ bɛ sa.

Ɛfesofoɛ 6:4

Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

Deuteronomi 11:19

Ɛ́mɔfa béhyirehyire ɛmɔ mma mɔ. Na sɛ ɛte w’awuro oo, ɛnate atee so oo, ɛkɔ nnaa nu oo, anaakyɛ edwɔso oo, di ye nwo ngɔmɔ.

Deuteronomi 31:13

Na ɔnate so bɛ mma mɔ, bɔ bɛnze mmeraa he nen, bɛkɔte ná basua kyɛbɔ besuro AWURADE ɛmɔ Nyameɛ ɔ, mmerɛ biala bɔ ɛmɔte aseɛ bɔ yeɛ ɛ́mɔpɛ asue Yɔɔdan bɛkɔɔfa ne aso ɔ.”

Deuteronomi 32:46

osele bɛ kyɛ, “Edwirɛ bɔ ɛnɛ kyẽa ye meka mefa medi adanzeɛ metia ɛmɔ ye, odi kyɛ ɛmɔfa besie ɛmɔ ti anu. Ɛ́mɔfa bɛ́tete ɛmɔ mma, amaa ɔnate so bɛ wora bali mmeraa he anu dwirɛ amukoraa so nahorɛ nu.

Deuteronomi 4:45

Ɛhemɔ te edwirɛ, ahyɛdeɛ ne nhyehyɛleɛ bɔ Mose fa mane Yisraelfoɛ wɔ mmerɛ bɔ befili Misraim bɛwale ne,

Deuteronomi 6:7

Fa kyirekyire wɔ mma mɔ paa. Na sɛ ɛte w’awuro oo, ɛnate atee so oo, ɛda oo, anaakyɛ edwɔso oo, ɔsɛ kyɛ edi ye nwo ngɔmɔ.