Edwein 76:6 - AHYERƐLƐ KRONGRON

⁶ Ao Yakob Nyameɛ, ɛteateane bɛ ne, pɔngɔhanɛniɛ ne ɔne ye pɔngɔ ne, bɛlale berɛ pakayaa.

Edwein 76:6 Iomraidhean Croise

2 Samuel 10:18

Siriafoɛ nwati fili Yisrael nyunu; na Dawide huhuni bɛ teaseɛnamhanɛfoɛ ɛyaa nzoo ɔne pɔngɔhanɛfoɛ apee aburanna. Na opurale bɛ safohene Sobake maa owuli berɛ.

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

Edwein 104:7

Na ɛteateane bɛ ne, bɛnwatili; bɛtele kyɛ ɛbɔle nu kurudududu ne, bɛnwati bɛhɔle.

Edwein 18:15

Afei ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ, ofikyɛ, ao AWURADE, ɛhane bɛ nyunu, yeɛ nwomeɛ koso fili wɔ bonyi anu tu wale ne ati ɔ.

Edwein 80:16

Bafa see bayera ye, bapɛ bato ase; sɛ wɔ nye boro bɛ so a, bewuwu!

Ɛksadɔso 15:1

Afei Mose ne Yisraelfoɛ tole edwein he yele AWURADE ayɛ kyɛ, “Ngɔto dwein ngɔye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.

Ɛksadɔso 15:10

Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Ɛksadɔso 15:21

Na Miriam surole so kyɛ, “Ɛ́mɔto dwein bɛ́ye AWURADE ayɛ, ofikyɛ wama ye nwo so ngonim nu; wagyi pɔngɔ ne pɔngɔhanɛniɛ ne wagua ɛpo nu.”

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yeremia 51:39

Sɛ benya akɔnnɔ ná bɛsɔ a, ngɔto bɛ poen, na ngɔmaa bɛkɔbo, kɔpem kyɛ bɛ nye kɔgye ɔ, bɛkɔla nnaa afebɔɔ, na bengotingye, AWURADE noa dwirɛ ɛne.

Yeremia 51:57

Na ngɔma ye atitire mɔ, ye nworɛfoɛ, ye safohene mɔ, ye maen mbanyi mɔ ne ye koɛhonɛfoɛ mɔ bɛkɔbobo, bɛkɔla nnaa afebɔɔ, na bengotingye. Ɛhene bɔ ye dumaa ole Asafo AWURADE ne, ye noa dwirɛ ɛne.

Hesekiel 39:20

Me poentolɛ ne abo, ɛmɔkoli mbɔngɔ, pɔngɔhanɛfoɛ, katakyie mɔ ne koɛhonɛfoɛ amukoraa naen kɔma ɛmɔ ko koyi,’ AWURADE Nyameɛ noa dwirɛ ɛne.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Nahum 2:13

Tie, meko metia wɔ, na ngɔyera ye teaseɛnam nemɔ wɔ nwosina ne anu. Ngrandɛ kohũhũ wɔ gyata mmaa nemɔ, ngɔma wɔ noa aleɛ komini kofi aseɛ ye aso, na bɛngɔte wɔ bɔfoɛ mɔ bɛ komvi ko, Asafo AWURADE noa dwirɛ ɛne.

Nahum 3:18

Ao Asiria hene, wɔ neafoɛ nemɔ balela, w’atitire nemɔ bɛtɔ ngosie, wɔ mmenia nemɔ babɔ aya wɔ mmokaa nemɔ aso bɔ ebiala ɔmmoaboa bɛ noa ɔ.

Sakaria 12:4

AWURADE nwa nyoo, sɔ kyẽa ne, ngɔte anyesotanɛ ngogua pɔngɔ biala so, yeɛ ngɔte ɛlaenbɔlɛ ngɔto bɔ ɔte ye so ne aso. Nakoso Yuda awuro ama de, ngɔlo bɛ, na ngɔprapra anyesiniwaa ngogua maen maen mɔ bɛ pɔngɔ biala so.

1 Samuel 26:12

Yeɛ Dawide fale pealɛɛ bɔ ɔpena Sɔɔlo ti sorɔ berɛ ne, ɔne nzue ngomvo ne, na besili nu bɛhɔle. Ebiala nye ambɛ so, anaa ebiala ande, yeɛ ebiala andingye. Né bɛ mukoraa balafe, ofikyɛ né AWURADE ama nnafelɛ hatee atɔ bɛ so.