Edwein 74:3 - AHYERƐLƐ KRONGRON

³ Tu agyirɛ bra nekaa bɔ wakakyi kurofoen bɔkɔɔ ne; pɔfoɛ ne wasɛkye nekaa krongron berɛ nningyein amukoraa.

Edwein 74:3 Iomraidhean Croise

2 Ahemvo 25:9

Ɔyerale AWURADE awuro ne, ahemvie ne, yeɛ Yerusalem sua amukoraa. Ɔyerale sua biala bɔ odi mu ɔ.

Nehemia 1:3

Na bɛbɔle me amaneɛ kyɛ, “Mmenia bɔ bangye bɛ nnure bangɔ bie, ná bɛwɔ maen ne anu ne, amaneɛ ne animguaseɛ kandinga paa ato bɛ. Pɔfoɛ nemɔ babubu Yerusalem fasue ne bagua, yeɛ ye pambim nemɔ koso bato nu see bayera bɛ.”

Nehemia 2:13

Nzili nu kɔngɔen mvale Bɔnza Pambim ne anu ndrale Sasrabɔnzam mbombonzue ne anwo ngɔle Fofoɛ Pambim ne anwo, na ngɔneane Yerusalem fasue mɔ bɔ badwiri bɛ bagua ase, ɔne ye pambim mɔ bɔ bafa see bayerayera bɛ nemɔ.

Nehemia 2:3

Na nzele Nana kyɛ, “Nana, wɔ ngoa so oo! Ɔkɔyɛ sɛɛ bɔ me wora ngɔbɔ ɔ, wɔ aberɛ bɔ kuro bɔ me nana mɔ asieleɛ wɔ so ne, wabɔ bɔ bafa see bayera ye pambim mɔ ɔ?”

Edwein 44:23

Ao AWURADE, tingye! Nzu ati yeɛ ɛda e? Dwɔso, na nnɛgyi yɛ to afebɔɔ!

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 79:1

Ao Nyameɛ, maen maen mɔ bafa koɛ baateta w’agyapadeɛ, bafa efiɛ bahã w’asɔneyɛɛ sua krongron ne, babɔ Yerusalem kuro ne.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yesaya 25:10

AWURADE tumi asaa ne kɔtena bokaa he aso, nakoso Moabo de, okotiatia ye so kɔbɛtɛ ye, kyɛbɔ betiatia ewura so wɔ fofoɛ so ɔ.

Yesaya 61:4

Bɛkɔkyekye tete kurofoen nemɔ, bekosisi sua mɔ bɔ badwiri bɛ bagua dada ne, nguro mɔ bɔ babɔ bɛ ne, bekosa bɛkɔkyekye, bɔ bakakyi kurofoen wɔ aworɛ ndoatoasoɛ pee nu ne.

Yeremia 52:13

Ɔyerale AWURADE awuro ne, ahemvie ne, ɔne Yerusalem sua amukoraa, na atitire nemɔ sua ne koso, ɔtole bɛ nu see yerale bɛ.

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 9:17

Yiti yɛ Nyameɛ, w’adaworoma, tie wɔ somvoɛ mbaeɛ ne ye sufrɛ; na ɔnate wɔ, AWURADE wɔ ti, ma wɔ ɛlolɛ ne ɔbra nekaa krongron bɔ wakakyi dandue ne aso.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Mika 1:3

Ofikyɛ tie, AWURADE fi ye atenaleɛ berɛ ɔ́ba, na okodwu kɔwa kootiatia aseɛ so asɔneyɛɛ nemɔ aso.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Marko 11:17

Afei ɔyɛle ngyerɛkyerɛ sele bɛ kyɛ, “Aso bɛhhyerɛle kyɛ, ‘Bɛkɔfrɛ m’awuro maen maen amukoraa bɛ mbaeɛbɔlɛ awuro’? Nakoso ɛmɔ de, ɛmɔafa bakakyi awuefoɛ afealeɛ.”

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Yosua 10:24

Bɛfale ahemvo nemɔ bɛbrɛle Yosua nen, Yosua mane Yisraelfoɛ amukoraati beyiale, na osele koɛhonɛfoɛ mɔ so safohene mɔ bɔ bɛ ne ye hɔle koɛ ne kyɛ, “Ɛ́mɔpingye wa ná ɛ́mɔfa ɛmɔ gya bétia ahemvo hemɔ kɔme so.” Yiti bepingyele berɛ, na bɛfale bɛ gya betiale bɛ kɔme so.

Nyekyire 11:2

Nakoso asɔneyɛɛ sua ne anwo aluo dɔ de, yakyi to berɛ, nnɛsusu; ofikyɛ bafa berɛ bama Amaenmaensofoɛ, na bekohwi bɛkɔfa kuro krongron ne aso bosome aburanna ne nyɔ.