Edwein 73:7 - AHYERƐLƐ KRONGRON

⁷ Bayɛ piri ma bɛ nye asi ayɛ kutukutuu, ngwaseasɛm yeɛ wayi bɛ ti anu to ɔ.

Edwein 73:7 Iomraidhean Croise

Ɛseta 3:11

Na Nana Ahasuro sele Haman kyɛ, “Sikaa ne wura wɔ sa, yeɛ mmenia ne koso bewura wɔ sa. Bɔ ekuro biala, fa yɔ bɛ.”

YOB NWOMAA NE 15:27

Na ɔnate kyɛ ye nyunu ayɛ twotwofii, ná ye mvenu koso ayɛ twotwofii ne ati,

Edwein 119:70

B’adwene ala kyɛ nguɛ, nakoso me de, me nye gye wɔ mmeraa ne anwo.

Edwein 17:10

Bennwu sona anwumvoin koraa, na bɛfa bɛ noa bɛkekã anwomasoɛ dwirɛ.

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 73:12

Nea, kyɛ bɔnefoɛ bɛte hɔ ɛne: bɛ nwo atɔ bɛ daa, na bɛkɔ so benya bɛ nwo.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

1 Samuel 25:2

Né biaa bie wɔ Mayɔn bɔ ole agyapadeɛ wɔ Kamɛl ɔ. Né ye sa nu le bie paa, bɔ né ole mmoaen apee nza ne mbɔngye apee ko ɔ. Mmerɛ bie, né ɔpepɛ ye mmoaen nwo nwiaa wɔ Kamɛl.

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.