Edwein 73:25 - AHYERƐLƐ KRONGRON

²⁵ Nwa yeɛ nne ye wɔ nyameɛso ɔ, sana wɔ ala? Yeɛ membena hwee wɔ aseɛ ye aso, sana wɔ ala.

Edwein 73:25 Iomraidhean Croise

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 16:2

Meka mekyire AWURADE kyɛ, “Wɔ yeɛ ɛte me Mene ɔ; nnne nikye paa biala, sana wɔ ngome.”

Edwein 16:5

AWURADE te m’agyapadeɛ bɔ mafa ɔ, ɔne me ngrabea; wɔ sa nu yeɛ me nwo amukoraa wura ɔ.

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 37:4

Ma wɔ nye gye wɔ AWURADE nu, na ɔkɔma wɔ sa kɔhã bɔ w’ahone bu ɛpena ɔ.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Edwein 63:3

Wɔ ɔdɔ bɔ onni ngasi ne, ɔte paa tra ngoa; ye sɔ ati, me noa kɔye wɔ ayɛ.

Edwein 89:6

Ofikyɛ nwa yeɛ ɔwɔ ewienu bɔ bɛkɔfa ye bɛkɔtoto AWURADE nwo ɔ? Nyameɛsofoɛ mɔ, nwa yeɛ ɔte kyɛ AWURADE ɔ?

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”