Edwein 73:23 - AHYERƐLƐ KRONGRON

²³ Nakoso me de, ngɔtena wɔ nwo daa; etira me sa famaa ne anu.

Edwein 73:23 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Edwein 139:18

Sɛ meka a, ye somaa tra anweaa; sɛ meda medwɔso a, né ndɛwɔ wɔ nwo berɛ.

Edwein 16:8

Metwe m’adwene mesie AWURADE so daa; na ɔnate kyɛ ogyi me sa famaa so ne ati, mengofi ase.

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 37:17

Ofikyɛ bɔnefoɛ b’abasa nu kobu, nakoso teneneefoɛ de, AWURADE tira bɛ nu.

Edwein 37:24

Sɛ ɔtɔ ase po a, ɔngɔtɔ ase tim, ofikyɛ AWURADE tira ye sa.

Edwein 63:8

Me kra te mata wɔ, wɔ sa famaa ne tira me nu.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:13

Ofikyɛ me, AWURADE wɔ Nyameɛ, ndira wɔ sa famaa, na me yeɛ mekã mekyire wɔ kyɛ, ‘Nnɛsuro, na ngɔboka wɔ.’

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”