Edwein 73:16 - AHYERƐLƐ KRONGRON

¹⁶ Nakoso nyɛle m’adwene kyɛ mepena kyɛ mete sɔ nikyee ne abo ne, nwuni kyɛ ɔte adwuma bɔ ɔyɛ se paa ɔ,

Edwein 73:16 Iomraidhean Croise

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 77:19

W’atimbire la ɛpo nu, w’atee la asue mbiri mɔ nu, nakoso bennwu wɔ gya boso.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 8:17

na nwuni Nyameɛ adwuma bɔ ɔyɔ amukoraa, kyɛ sona biala ngɔte bɔ ɔkɔ so wɔ wiase ɔ bo. Sona kɔfɛ ye nwo kyɛ ɔkɔfeefee nu, nakoso ɔngɔte ye bo. Nworɛfoɛ nwa nzɛ bɛse, nakoso bɛngɔhora bengonwu ye.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?