Edwein 73:1 - AHYERƐLƐ KRONGRON

¹ Amba, Nyameɛ te paa ma Yisrael, ɔte paa ma bɛ bɔ bɛ ti anu te fufue ɔ.

Edwein 73:1 Iomraidhean Croise

1 Aberɛso Dwirɛ 15:17

Yiti Lewifoɛ tuli Yowel awa Heman ne ye nwoniɛ Asafe bɔ ye baba ole Berekia ne, Merari boso ama nemɔ ne bɛ nwofoɛ, yeɛ Kusaya awa Etan.

1 Aberɛso Dwirɛ 16:37

Dawide yɛle nhyehyɛleɛ mane Asafe ne ye mmango Lewifoɛ, kyɛ bɛhɔ AWURADE apam alaka ne anyunu bɛɛsɔne wɔ alaka ne anyunu daa, kyɛbɔ odi kyɛ bɛyɔ ye daa biala ɔ.

1 Aberɛso Dwirɛ 16:7

Afei sɔ kyẽa ne, edwein bɔ bɛto bɛye AWURADE ayɛ ne, Dawide lili moa ɔfa wurale Asafe ne Asafe mmango Lewifoɛ nemɔ bɛ sa.

1 Aberɛso Dwirɛ 6:39

yeɛ Heman aliɛma bienzua Asafe bɔ ɔla edweintolɛfoɛ kure bɔ bɛwɔ ye sa famaa ne, bɛ noa ne. Asafe baba ole Berekia, bɔ ye baba ole Simea,

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 50:1

Tuminiɛ ne, Nyameɛ bɔ ɔte AWURADE ne, wadwudwo, wato ye sa wafrɛ aseɛ ye aso ama amukoraa, fi eyia afiteleɛ kɔka eyia atɔleɛ.

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Edwein 73:18

Amba, ɛfa bɛ gyina nekaa bɔ ɔyɛ ndono ɔ, ɛmaa befi ase ma b’ayieleɛ yie bɛ.

Edwein 83:1

Ao Nyameɛ, nnɛkã wɔ noa to nu; ao Nyameɛ, nnɛmua wɔ noa, yeɛ nnɛyɛ konn!

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Mateo 5:8

“Bɛ bɔ bɛ ti anu te fufue ne banya saleɛ, ofikyɛ bɛ yeɛ bekonwu Nyameɛ ɔ.

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Yohane 1:47

Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!”

Romanfoɛ 4:16

Yiti bɔhyɛ ne gyi gyidie so, amaa ɔnate so bɔhyɛ ne wagyina adom so, ná watindim berɛ wama ye bosofoɛ amukoraa. Bɔhyɛ ne ɔtte bɛ bɔ bedi mmeraa ne aso ngome bɛ deɛ, na mmom ɔte ebiala bɔ wanya gyidie kyɛbɔ Abraham nyane ye ne koso deɛ; ofikyɛ ɔte yɛ mukoraa yɛ nana,

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!