Edwein 72:10 - AHYERƐLƐ KRONGRON

¹⁰ Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Edwein 72:10 Iomraidhean Croise

Gyenesise 10:7

Kuse mma mɔ ole Seba, Hawila, Sabota, Raama ne Saboteka. Raama mma mɔ ole Hyeba ne Dedan.

1 Ahemvo 10:1

Hyeba hemmaa tele Solomon nga kyɛ wale dumaa paa. (Ɔnate AWURADE dumaa ti yeɛ olele dumaa ɔ.) Yiti Hyeba hemmaa hɔle kyɛ ɔkwaafa adwobisa bɔ ye noa yelɛ yɛ se ɔ oso ye nea.

1 Ahemvo 10:10

Yeɛ Hyeba hemmaa mane Nana Solomon esikaa kɔkorɛ kilo apee nna, ayirefona ahoroɔ pee ɔne nyɔboɛ bɔ ye nyɔboɛ yɛ se ɔ pee. Ayirefona ahoroɔ bɔ Hyeba hemmaa fa mane Solomon ne, ebiala amva bɔ ye somaa te sɔ ɔ wammrɛ Nana Solomon ko le.

1 Ahemvo 10:2

Ɔne ye sasofoɛ pee paa yeɛ bɛhɔle Yerusalem ɔ, na bɛfale sɔ nningyein hemɔ bɛtale afupɔngɔ mɔ si yeɛ bɛhɔle ɔ: ayirefona, esikaa kɔkorɛ pee ne nyɔboɛ bɔ ye nyɔboɛ yɛ se ɔ. Na oodwuli Solomon berɛ ne, ye dwirɛ amukoraa bɔ ɔkye ye adwene ne, obisale Solomon.

1 Ahemvo 10:25

Afoɛ biala, mmenia fale akyɛdeɛ hemɔ pee bɛɛmane ye: ɛdwetɛ ne esikaa kɔkorɛ nningyein, ndena, akodeɛ, ayirefona, mbɔngɔ ne afunum.

2 Aberɛso Dwirɛ 9:21

Ofikyɛ né Nana Solomon ɛlɛen nemɔ, bɛ ne Huram somvoɛ nemɔ bɛkɔ Tasise. Afoɛ nza biala, Tasise ɛlɛen nemɔ, bɛfa esikaa kɔkorɛ, ɛdwetɛ, ɛsoen gye, kondromvi mɔ ne asraen mɔ bɛba.

Ɛseta 10:1

Afei Nana Ahasuro pɛle ɛtoɔ kyɛ maen ne anu ama, ɔne bɛ bɔ bɛwɔ supɔ nemɔ aso ne betua.

Edwein 45:12

Tirofoɛ bɛkɔfa akyɛdeɛ pee bɛkɔwa, bɛ nu sikafoɛ paa nemɔ po; bɛkɔfa akyɛdeɛ ahoroɔ bɛkɔɔpena wɔ berɛ animnyam.

Edwein 68:29

Ɔnate w’asɔneyɛɛ sua bɔ ɔwɔ Yerusalem ne ati, ahemvo kɔbrɛ wɔ akyɛdeɛ.

Edwein 68:30

Ngaka aboyaa bɔ bɛwɔ nekaa bɔ elemmire wɔ ne, nandwie nyii kure bɔ bafra maen maen nandwie mmaa mɔ nu ne, twi bɛ nyunu. Bɛ bɔ ndɔlelɛ yɛ bɛ fɛ ne, fa bɛ wura wɔ gya bo, bɛ bɔ bɛ nye gye koɛ nwo ne, bɔ bɛ sande.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yesaya 42:4

Ye de, ongogye monɛɛmonɛɛ, yeɛ ye abasa nu ngobu, kɔpem kyɛ ɔkɔma ndɛenbualɛ turoloo kotira ndii wɔ aseɛ so ɔ, na supɔ mɔ bɛnwondɛ ye mmeraa ne.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 60:3

Maen maen mɔ bɛkɔwa wɔ kanea ne anu, yeɛ ahemvo mɔ koso bɛkɔwa kanea hyireinn bɔ wapukye wɔ so ne anu.

Yesaya 60:6

Wɔ maen ne anu afupɔngɔ kɔyɛ pee, bɛte afupɔngɔ akrɔngrɔma bɔ befi Midian ne Efa; bɛ bɔ befi Hyeba ne amukoraa, bɛ́ba. Bɛsoso sikaa kɔkorɛ ne ɛyɛɛ bɛ́ba, bɔ bɛ́bɔ AWURADE ayɛyelɛ nwo dawure ɔ.

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Mateo 2:11

Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.