Edwein 72:1 - AHYERƐLƐ KRONGRON

¹ Ao Nyameɛ, fa wɔ pɛpɛɛpɛyɛlɛ ne ma ɛhene ne, ná fa wɔ tenenee ne ma ɛhene awa ne.

Edwein 72:1 Iomraidhean Croise

2 Samuel 23:3

Yisrael Nyameɛ adwudwo, Yisrael Nyɔbotaen ne sele me kyɛ, ‘Sona bɔ ɔfa pɛpɛɛpɛyɛlɛ da mmenia noa ne, bɔ ɔfa Nyameɛ surolɛ da bɛ noa ne,

1 Ahemvo 1:39

Ɔsɔfo Sadoke fale ngoo towaa fili ɛtena sua krongron ne anu hɔle, na ɔpopale Solomon ngoo wɔ berɛ. Afei behuli totorobɛndo ne, na ɛlɔen ne amukoraati bɔ lele so kyɛ, “Nana Solomon, wɔ ngoa so oo!”

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

1 Aberɛso Dwirɛ 18:14

Yiti Dawide lili Yisrael amukoraa so hene; na ole nahorɛlilɛ ne pɛpɛɛpɛyɛlɛ yeɛ olili ye mmenia amukoraa so ɔ.

1 Aberɛso Dwirɛ 22:9

Tie, ɛkɔwo baa bienzua bie, na ɔkɔyɛ sona bɔ okuro asomdwee ɔ. Ngɔmaa okonya asomdwee kofi ye pɔfoɛ mɔ sa nu wɔ nekaa biala; ofikyɛ bɛkɔfrɛ ye Solomon, na ye aberɛ so, ngɔma Yisrael konya asomdwee ná Yisrael nwo atɔ ye.

1 Aberɛso Dwirɛ 29:19

Ma mma Solomon onya adwene paa bɔ ɔkɔfa kɔyɛ sotie kɔma wɔ mmeraa dwirɛ, wɔ noa dwirɛ ne w’ahyɛdeɛ, ná okoli bɛ mukoraa so, amaa wasi asɔneyɛɛ sua bɔ mapena ye nwo nningyein magua berɛ ne.”

2 Aberɛso Dwirɛ 1:10

Yiti ma me nworɛ ne nimdeɛ bɔ ngɔfa ngɔla wɔ maen ye noa ɔ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.