Edwein 71:5 - AHYERƐLƐ KRONGRON

⁵ Ofikyɛ ao AWURADE, wɔ yeɛ ɛte m’anyelasoɛ ɔ, ao AWURADE, ofi me ngwadaa nu, wɔ yeɛ me wora wura wɔ nu ɔ.

Edwein 71:5 Iomraidhean Croise

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

2 Aberɛso Dwirɛ 34:3

Nana Yosia lili hene ne, ye afoɛ mmɔtwɛ ne anu bɔ né ɔtɛte abɛɛmaa ne, ɔhyɛle ye bo kyɛ ɔso ye nana Dawide Nyameɛ ne. Ye afoɛ buru ne nyɔ ne anu, ɔhyɛle ye bo tutuli ɛhemɔ bo fili Yuda ne Yerusalem: asɔneyɛɛ mɔ, bosoen Asera dosii mɔ, yeɛ amoen bɔ base ne amoen bɔ bahuro nikyee bafa bayɔ ɔ.

Edwein 119:166

Ao AWURADE, menea wɔ ngoalelɛ ate, na medi wɔ mmeraa dwirɛ so.

Edwein 119:81

Me kra wora dɔ wɔ ngoalelɛ ne paa; mefa me wora mewura wɔ dwirɛ ne anu.

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 39:7

Na afei AWURADE, nzikyɛ yeɛ mva me nye ndo so ɔ? Wɔ yeɛ me nye la wɔ so ɔ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 71:17

Ao Nyameɛ, ofi me mmerandeɛ nu yeɛ ahyirehyire me ɔ, na mekɔ so mebɔ w’anwanwadeɛ nwo dawure.

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Yeremia 14:8

Ao Yisrael anyelasoɛ, ye Defoɛ wɔ amaneɛnwunɛ mmerɛ nu, nzu ati yeɛ ɛyɛ wɔ nwo kyɛ ɛwɔfoɛ wɔ aseɛ ye aso ɔ, kyɛ akwanduniɛ bɔ aleɛ asa bɔ ɔpena nekaa osikye ɔ?

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Yeremia 17:17

Nnɛyɛ wɔ nwo ebie bɔ onwunanwuna me ɔ; amaneɛnwunɛ kyẽa nu, wɔ yeɛ ɛte m’afealeɛ ɔ.

Yeremia 17:7

Sona bɔ ye wora wura AWURADE nu, bɔ AWURADE te ye anyelasoɛ ne de, onya saleɛ.

Yeremia 50:7

Bɛ bɔ benwuni bɛ ne amukoraa bahye bɛ bali, na bɛ pɔfoɛ mɔ nwa, ‘Yɛnni fɔ, ofikyɛ bayɔ bɔne batia AWURADE, bɛ tenenee atenaleɛ, AWURADE bɔ ɔte bɛ nana mɔ anyelasoɛ ne.’

Luka 2:40

Na akwadaa ne nyini, na ɔyɛle se sunzum nu, na onwuni nworɛ paa, na né Nyameɛ adom wɔ ye so.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.