Edwein 71:21 - AHYERƐLƐ KRONGRON

²¹ Ɛkɔmaa ngonya animnyam bɔ ɔte piri ɔ, ná ekosa kɔkyekye me wora.

Edwein 71:21 Iomraidhean Croise

2 Samuel 3:1

Koɛ bɔ ɔtɔle Sɔɔlo awuro ama ne Dawide awuro ama b’afia ne, ɔhɔle so hyɛle. Dawide hɔle so nyane ngɔsoɛ, nakoso Sɔɔlo sasofoɛ de, bɛhɔle so bɛhɔle ase.

Edwein 18:35

Afa wɔ ngoalelɛ akokyɛm ne ama me, na wɔ mmokalɛ amaa mayɛ sona titire.

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 32:10

Amaneɛ pee yeɛ ɔtoto bɔnefoɛ ɔ, nakoso sona bɔ ɔfa ye nwo to AWURADE so ne de, AWURADE ɔdɔ bɔ onni ngasi ne, ɔpɛ ye nwo bra yia.

Edwein 72:11

Maa ahemvo amukoraa bɛkoto wɔ ye nyunu, ná maen maen amukoraa bɛso ye.

Edwein 86:17

Kyire me wɔ ɛlolɛ ne nwo sɛngyerɛnneɛ, amaa ɔnate so me pɔfoɛ mɔ banwu ye ná bafɛre, ofikyɛ AWURADE, wɔ yeɛ aboka me akyekye me wora ɔ.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 49:13

O anwuro, ɛ́mɔto anigye dwein! O aseɛ, di ahurusi! O mmokaa mɔ, ɛ́mɔbɔ ese! Ofikyɛ AWURADE akyekye ye maen wora, na okonwu ye mmenia bɔ bɛyɛ anwumvo ne anwumvoin.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 7:13

Ye sɔ ne ati, yɛ wora akyekye. Nna yɛ wora ngome yeɛ wakyekye ɔ, na Tito anika ne koso ama yɛ anika mmorosoɛ; ofikyɛ ɛmɔ amukoraa bɛbokale maa onyane aworakyekyerɛ.

2 Korintofoɛ 7:6

Nakoso Nyameɛ bɔ ɔkyekye bɛ bɔ bɛ wora abɔ wora ne, ɔfale Tito walɛ ne aso kyekyele yɛ wora.

1 Tɛsalonikafoɛ 3:9

Anigye wora bɔ ɔnate ɛmɔ ti yanya ye wɔ yɛ Nyameɛ nyunu ye, nzikyɛ asennaa bieku yeɛ yɛkɔhora yɛkɔfa yɛkɔma Nyameɛ wɔ ɛmɔ nwo ɔ?

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”