Edwein 71:19 - AHYERƐLƐ KRONGRON

¹⁹ Ao Nyameɛ, wɔ tenenee kodwu anwuro anwuro. Ao Nyameɛ, wɔ yeɛ ayɛ nnwumaa mbiri mbiri ɔ; nwa yeɛ ɔte kyɛ wɔ ɔ?

Edwein 71:19 Iomraidhean Croise

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

Edwein 139:6

Sɔ nimdeɛ ne, ɔyɛ me nwanwa soma; ɔwɔ anwuro soma, bɔ me sa ngora ndwu so ɔ.

Edwein 35:10

Me mmowue amukoraa kɔhã kyɛ, “Ao AWURADE, nwa yeɛ ɔte kyɛ wɔ ɔ? Wɔ bɔ ɛpepɛ de sona bɔ ɔyɛ anwumvo fi ebie bɔ ɔkora ye ɔ sa nu ɔ; wɔ bɔ ede sona bɔ ɔyɛ anwumvo ne ehianiɛ fi ebie bɔ osisi ye ɔ sa nu ɔ.”

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 57:10

Ofikyɛ wɔ ɔdɔ bɔ onni ngasi ne, ye piri kɔka ewienu dɔ paa, yeɛ wɔ nahorɛlilɛ ne, okodwu munungum nemɔ anu.

Edwein 72:18

Animnyam hã AWURADE Yisrael Nyameɛ, bɔ ye ngome yeɛ ɔyɔ anwanwadeɛ ne.

Edwein 86:8

Ao AWURADE, ebiala ne wɔ bɛnzɛ wɔ nyameɛ mɔ nu, na ebiala ngɔhora ngɔfa ye sa noa nnwumaa ngɔtoto wɔ deɛ nwo.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Anyandera 15:24

Ngoa atee bɔ ɔkɔ anwuro yeɛ nworɛniɛ fa so ɔ, amaa ɔnate so wangɔ ɛborɔ wɔ aseɛ bo dɔ.

Anyandera 24:7

Nworɛ te nikyee bɔ ɔbo ngwaseafoɛ adwene so, kwaseaa dwu nekaa bɔ bedi dwirɛ a, ommukye ye noa.

Yesaya 40:18

Nwa nwo yeɛ ɛmɔkɔfa Nyameɛ bɛkɔto ɔ, anaakyɛ nzikyɛ sue yeɛ ɛmɔkɔfa bɛkɔtoto ye nwo ɔ?

Yesaya 40:25

Nwa nwo yeɛ ɛmɔkɔfa me bɛkɔtoto ɔ, anaa, nwa yeɛ ɔne me bɛsɛ ɔ? Krongronniɛ ne, ye noa dwirɛ ɛne.

Yesaya 5:16

Nakoso Asafo AWURADE de, bɛma ye so wɔ ye ndɛenbualɛ turoloo nu, na Krongronniɛ Nyameɛ ɔda ye krongronyɛlɛ ali wɔ tenenee nu.

Yesaya 55:9

Na kyɛbɔ anwuro wɔ anwuro anwuro tra aseɛ ne, sɔ ala yeɛ m’atee bo ɛmɔ atee deɛ so ɔ, na m’adwene koso bo ɛmɔ adwene so.

Yeremia 10:7

Ao maen maen mɔ Hene, nwa yeɛ onzuro wɔ ɔ? Ofikyɛ wɔ yeɛ ɛhe fata wɔ ɔ. Amaenmaenso nworɛfoɛ amukoraa nu, yeɛ b’ahennie amukoraa nu, ebiala nne berɛ bɔ ɔte kyɛ wɔ ɔ.

Luka 1:49

ɔnate kyɛ, Tuminiɛ ne ayɔ nikyee piri wama me, na ye dumaa ole krongron.

Deuteronomi 3:24

‘O AWURADE Nyameɛ, bekye ala po yeɛ ahyɛ ye bo bɔ ɛma w’akoaa nwu kyɛbɔ esi te piri, ɔne kyɛbɔ wɔ tumi te ɔ, na nyameɛ foforɛ beni yeɛ ɔwɔ anwuro anaa ase bɔ ɔkɔhora kɔyɔ nningyein mbiri mbiri ne anwanwadeɛ bɔ ɛyɔ ye ɔ?