Edwein 71:18 - AHYERƐLƐ KRONGRON

¹⁸ Yiti menyi meyɛ aworowaa ma me ti anu yɛ gyein a, ao Nyameɛ, nnɛpo me, kɔpem kyɛ ngɔbɔ w’anwoserɛ nwo dawure ngohyire aworɛ ndoatoasoɛ he, ɔne wɔ tumi nwo dawure ngohyire ebiala bɔ ɔbaawa ɔ.

Edwein 71:18 Iomraidhean Croise

Gyenesise 27:1

Yisake nyini, na ye nye so yɛle ye wusiwusi bɔ né onnwu nikyee ne, ɛlɛho ɔfrɛle ɔwa panyi Yisɔ sele ye kyɛ, “Mma,” na osurole kyɛ, “Baba me ɛhe.”

Edwein 22:31

Bɛkɔhã ye ngoalelɛ nwo dwirɛ bekohyire bɛ bɔ bennya bɛwwole bɛ nemɔ kyɛ, “AWURADE yeɛ wayɔ sɔ nikyee ye ɔ.”

Edwein 48:14

kyɛ Nyameɛ he, ɔte yɛ Nyameɛ afebɔɔ. Ye yeɛ okohyire yɛ atee kɔpem kyɛ ewue kɔfa yɛ ɔ.

Edwein 71:9

Me nworowaa nu, nnɛyakyi me nu; sɛ menyi meyɛ mmerɛ a, nnɛpo me.

Edwein 78:4

Yɛngɔfa yɛngɔfea bɛ mma mɔ, na mmom aworɛ ndoatoasoɛ bɔ ɔba ye, yɛkɔhã yɛkohyire bɛ: AWURADE animnyam nnwumaa ne ye tumi, ɔne anwanwadeɛ mɔ bɔ wayɔ ɔ.

Edwein 78:6

amaa ɔnate so aworɛ ndoatoasoɛ bɔ ɔkɔwa ne, bɔ bɛ ole ngwadaa bɔ bennya bɛwwole bɛ ne, banwu mmeraa ne, ná badwɔso bahã bahyire bɛ maa mɔ,

Ɛksadɔso 13:8

Na sɔ kyẽa ne, kyire nu kyire ɛwa kyɛ, ‘Ɔnate nikyee bɔ AWURADE yɔ mane me wɔ mmerɛ bɔ mvili Misraim ne ati ɔ.’

Yesaya 46:4

Na ɔkwaadwu ɛmɔ aworowaabɔlɛ nu po, bɔ nde ala yeɛ nde ɔ, yeɛ ɔkwaadwu ɛmɔ egyeinfulɛ nu po, ngododo ɛmɔ. Me yeɛ mmɔle ɛmɔ ɔ, ngogyina ɛmɔ si, ngododo ɛmɔ ná mapepɛ male ɛmɔ.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yesaya 53:1

Edwirɛ bɔ yahã ne, nwa yeɛ wale wali ɔ? Nwa yeɛ AWURADE tumi ne wala ali wahyire ye ɔ?

Asomafoɛ 13:36

Ofikyɛ, Dawide de, ɔsole Nyameɛ wɔ ye aberɛ so yiele nen, ɔlale, na besiele ye wɔ nekaa bɔ ye nana mɔ la ɔ, na ɔporɔle kumaa nu.

1 Samuel 4:15

Né Eli ali afoɛ aburahona ne mmɔtwɛ, yeɛ né ye nye so ayɛ ye musinamusina bɔ onnwu nikyee ɔ.

1 Samuel 4:18

Na ɔbɔle Nyameɛ apam alaka ne dumaa pɛ, Eli fili ye bia ne anu muni fale ye si ɔɔtɔle pambim ne anwo, ye kɔme anu buli, na owuli, ofikyɛ né wayɛ aworowaa, yeɛ afei né wayɛ piri paa. Né wabu Yisrael maen ne afoɛ aburanna.