Edwein 71:14 - AHYERƐLƐ KRONGRON

¹⁴ Nakoso me de, ngonya anyelasoɛ daa, na ngɔhɔ so ngɔye wɔ ayɛ.

Edwein 71:14 Iomraidhean Croise

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 71:6

Ofi mmerɛ bɔ bɛwole me ɔ, wɔ yeɛ mafa me nwo mato wɔ so ɔ; wɔ yeɛ ɛfale me fili me ni akunu wale ɔ. Ngɔye wɔ ayɛ daa biala.

Awuye 3:21

Nakoso ɛhe yeɛ mekaye wɔ me ti anu ɔ, yiti anyelasoɛ wɔ berɛ ma me.

Awuye 3:24

Me kra nwa, “AWURADE yeɛ ɔte me bue deɛ ɔ, yiti ngɔfa me wora ngowura ye nu.”

Awuye 3:25

AWURADE te paa ma bɛ bɔ bɛ nye la ye ate ɔ, ɔte paa ma ɛkra bɔ ɔpena ye si atee ɔ.

Awuye 3:26

Ɔte paa kyɛ ɛkɔyɛ konn anyelasoɛ nu kɔnwondɛ AWURADE ngoalelɛ ne ɔ.

Filipifoɛ 1:9

Na me mbaeɛ ole kyɛ, ɔdɔ bɔ ɛmɔle ye ne ɔkɔhɔ so konyi wɔ nimdeɛ ne ndeaseɛ amukoraa nu,

1 Tɛsalonikafoɛ 4:10

Na amba, sɔ suban ne ala koso yeɛ ɛmɔala ye ali bahyire aliɛmaa mɔ amukoraa bɔ bɛwɔ Makedonia amukoraa ɔ. Nakoso, aliɛmaa mɔ, yɛsrɛ ɛmɔ kyɛ ɛmɔhɔ so bɛyɔ ye mmorosoɛ,

Hebrifoɛ 10:35

Yiti nnɛmɔma ɛmɔ abasanu bu, ofikyɛ ye nwo akatuaa piri bie wɔ berɛ.

1 Petro 1:13

Yiti ɛ́mɔsiesie ɛmɔ adwene ma osi pi, ɛ́mɔma ɛmɔ nye la berɛ, ná ɛ́mɔma ɛmɔ anyelasoɛ amukoraa ówura adom bɔ Yesu Kristo kɔfa kɔbrɛ ɛmɔ wɔ ye nwo aliyelɛ ne anu.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.