Edwein 71:13 - AHYERƐLƐ KRONGRON

¹³ Bɛ bɔ bɛbɔ me kwaadu ne, ma bɛ nyunu gua ase ná bewuwu, bɛ bɔ bɛpena me bepura me ne, ma nyanzoen ne animguaseɛ obia bɛ.

Edwein 71:13 Iomraidhean Croise

Ɛseta 9:2

Yudafoɛ boaboale bɛ noa wɔ bɛ nguro nemɔ aso, wɔ Nana Ahasuro manzini ne amukoraa nu, kyɛ ebiala bɔ ɔkɔwa kyɛ ɔbaahu bɛ ne, bɛ koso bekohu ye. Na ebiala angora wangyina bɛ nyunu, ofikyɛ bɛ nwo suronyi tɔle amaen maen nemɔ nu mmenia so.

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 132:18

Ngɔfa animguaseɛ ngɔhera ye pɔfoɛ mɔ, nakoso ye de, ye ahennie abotire bɔ ɔbɔ ye ne, ɔkɔta hyireinn.”

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 35:4

Bɛ bɔ bɛpena me beku me ne, maa bɛ nyunu ogua ase, ná bɛfɛre. Bɛ bɔ bɛbɔ me nwo porɛ ne, maa bɛfa animguaseɛ besa bɛ si bɛhɔ.

Edwein 6:10

Me pɔfoɛ mɔ amukoraa, bɛ nyunu kogua ase, ná ahunundetelɛ atɔ bɛ so paa; bekosa bɛ si, na bɛ nyunu kogua ase mvum nu.

Edwein 70:3

Bɛ bɔ bɛkekã kyɛ, “Ehee, Ehee!” ne, bɛ nwo nyanzoen ti, maa bɛtete besa bɛ si.

Edwein 71:24

Mmerɛ biala, me noa koso kɔhã wɔ tenenee nwo dwirɛ, ofikyɛ bɛ bɔ bɛpena me bepura me ne, bafɛre, na bɛ nyunu agua ase.

Yesaya 41:11

Tie, bɛ bɔ bafɛ wɔ so yaa ne amukoraa, bɛ nyunu kogua ase, na bɛkɔfɛre; na bɛ bɔ bɛko betia wɔ ne, b’ayieleɛ koyie bɛ, na bekowuwu.

Yeremia 20:11

Nakoso AWURADE gyi me si kyɛ koɛhonɛniɛ bɔ ye nwo yɛ suro ɔ. Yiti bɛ bɔ bɛtane me nye ne, bekosoti, na bengoli ngonim. Bɛ nyunu kogua ase paa, ofikyɛ ongoyie bɛ yé. Na b’animguaseɛ afebɔɔ ne, mmenia wora ngofi ye le.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.