Edwein 71:10 - AHYERƐLƐ KRONGRON

¹⁰ Ofikyɛ me pɔfoɛ mɔ kekã me nwo dwirɛ tɛɛ, na bɛ bɔ bɛtetɛ me beku me ne, bɛbɔ nu betu asure.

Edwein 71:10 Iomraidhean Croise

Edwein 10:9

Ɔtetɛ mvealeɛ nu kyɛ gyata bɔ wafea poen nu ɔ; ɔtetɛ kyɛ okonya bɛ bɔ bɛyɛ anwumvo ɔ ɔkɔhye bɛ. Ɔkye bɛ bɔ bɛyɛ anwumvo ɔ, na ɔpoa bɛ ase kowura ye ngaen nu.

Edwein 109:20

Bɛ bɔ bɛto me soen ne bɛ bɔ bɛkã me nwo dwirɛ tɛɛ ne, maa ɛhe ɔyɛ b’akatuaa bɔ ofi AWURADE berɛ ɔ.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 31:13

Ofikyɛ mate nwuhunwuhu bɔ mmenia bɛyɔ ne, anwunanwuna apɛ me nwo wayia: bɔ bɛbɔ me ti so porɛ, ná bɛpena me beku me ɔ.

Edwein 56:6

Bɛboa bɛ noa, bɛtetɛ me; beli me mvanvando, na bɛpena me ne ewue.

Edwein 83:3

Bɛbɔ wɔ maen nwo nwandanwona porɛ, na bɛkɔ mmenia bɔ ɛbɔ bɛ nwo waen ne nwo agyina tɛɛ.

Anyandera 1:11

Sɛ bɛkã kyɛ, “Bra maa yɛɛtetɛ yɛli awue, bɛ bɔ bedi be ne, maa yɛɛtɛ atunu yɛhu bɛ mbaen;

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

1 Samuel 19:11

Sɔɔlo tuli mmenia maa bɛhɔle Dawide awuro kyɛ bɛɛtɛ ye behũ ye ngyerɛmɔ. Nakoso Dawide tiale Mikal gya so kyɛ, “Sɛ annwati kɔngɔen ye a, ɛhema ngyerɛmɔ bekohu wɔ.”