Edwein 70:2 - AHYERƐLƐ KRONGRON

² Bɛ bɔ bɛpena me beku me ne, ma bɛ nyunu gua ase, ná bɛ nye so ɔtã. Bɛ bɔ bɛpena me ne tɛɛ ne, maa bɛtete besa bɛ si ná bɛ nyunu gua ase.

Edwein 70:2 Iomraidhean Croise

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 141:1

Ao AWURADE, mesu mefrɛ wɔ; yɛ ye ndɛ baaboka me; sɛ mesu mefrɛ wɔ a, tie me sufrɛ.

Edwein 22:12

Nandwie nyii pee bapɛ me nwo bayia, Basan nandwie nyii anwoserɛ nemɔ, bapɛ me nwo kango;

Edwein 22:20

Pepɛ de me kra fi ngrandɛ noa; pepɛ de me ngoa fi ngyea ye mɔ sa nu!

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Edwein 35:4

Bɛ bɔ bɛpena me beku me ne, maa bɛ nyunu ogua ase, ná bɛfɛre. Bɛ bɔ bɛbɔ me nwo porɛ ne, maa bɛfa animguaseɛ besa bɛ si bɛhɔ.

Edwein 40:14

Bɛ bɔ bɛpena kyɛ bede me ngoa befi me sa nu ne, ma bɛ nyunu ogua ase, ná bɛfɛre; bɛ bɔ bɛpena me ne tɛɛ ne, foa bɛ maa besa bɛ si, ná bɛ nyunu ogua ase.

Edwein 6:10

Me pɔfoɛ mɔ amukoraa, bɛ nyunu kogua ase, ná ahunundetelɛ atɔ bɛ so paa; bekosa bɛ si, na bɛ nyunu kogua ase mvum nu.

Edwein 71:12

Ao Nyameɛ, nnɛyakyi me nu, ao me Nyameɛ, yɛ ndɛ baaboka me!

Edwein 71:13

Bɛ bɔ bɛbɔ me kwaadu ne, ma bɛ nyunu gua ase ná bewuwu, bɛ bɔ bɛpena me bepura me ne, ma nyanzoen ne animguaseɛ obia bɛ.

Yesaya 28:13

Ɔnate sɔ ati, AWURADE dwirɛ ne kɔyɛ bɛ so anu: ahyɛdeɛ tia ahyɛdeɛ, ahyɛdeɛ tia ahyɛdeɛ, edwirɛ tia edwirɛ, edwirɛ tia edwirɛ, ɛwa kãa, yeɛ dɔ kãa” Yiti bɛkɔhɔ bɛ nyunu moa, na bekofi ase bɛkɔtɔ nziɛ, bekopura, bɛkɔtɔ ngaen nu, ná bahye bɛ nnure bahɔ.

Yesaya 41:11

Tie, bɛ bɔ bafɛ wɔ so yaa ne amukoraa, bɛ nyunu kogua ase, na bɛkɔfɛre; na bɛ bɔ bɛko betia wɔ ne, b’ayieleɛ koyie bɛ, na bekowuwu.

Yohane 18:6

Na mmerɛ bɔ osele bɛ kyɛ, “Me ɛhe” nen, bepimbini bɛ si, na befifini ase.