Edwein 7:9 - AHYERƐLƐ KRONGRON

⁹ Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Edwein 7:9 Iomraidhean Croise

Gyenesise 20:5

Nna ye bɔbɔ yeɛ osele me kyɛ, ‘Nniɛma brasua ɔ’? Nna braa ne bɔbɔ yeɛ ɔhane kyɛ, ‘Nniɛma bienzua ɔ’? Me ti anu te fufue wɔ edwirɛ he anwo, na me tiboa mmua me foɛ.”

1 Ahemvo 8:32

ye de tie ye wɔ nyameɛso dɔ ná di dwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Edwein 10:15

De bɔnefoɛ ne amumuyɛɛfoɛ bɛ sa nu tumi; tua ye bɔne so kerɛ kɔpem kyɛ engonwu ko po ɔ.

Edwein 10:18

na edi ayisiaaniɛ ne sona bɔ ɔyɛ anwumvo ɔ bɛ dwirɛ ma bɛ, amaa ɔnate so dasaniɛ bɔ ofi nnɛterɛ nu wanyɛ anwunanwuna ko.

Edwein 11:5

AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

Edwein 139:1

Ao AWURADE, aneanea me nu, na anwu me.

Edwein 17:3

Sɛ ɛneanea m’ahone nu, ná ɛpɛnzɛpɛnzɛ me ti anu dwirɛ nu kɔngɔen, ná eso me nea a, engonwu bɔne biala wɔ me nu; mayɛ m’adwene kyɛ mengɔfa me noa mengɔhã edwirɛ bɔ ɔte bɔne ɔ.

Edwein 18:21

Ofikyɛ mali AWURADE dwirɛ so, na nnyɔle bɔne nngakyili me si mmmane Nyameɛ.

Edwein 26:2

Neanea me nu ná so me nea, pɛnzɛpɛnzɛ m’ahone nu ne me ti anu.

Edwein 35:23

Dwɔso ná ko ma me! ao me Nyameɛ ne m’AWURADE, baali me dwirɛ ma me!

Edwein 37:23

AWURADE yeɛ otutu sona gya siesie yé ɔ, sɛ ye atee sɔ ye nye a, ɔmaa otindim.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 43:1

Ao Nyameɛ, bua me be, ná di me dwirɛ ma me fi amumuyɛɛ maen sa nu; pepɛ de me fi nnakannakafoɛ ne ndɛengyeafoɛ bɛ sa nu!

Edwein 44:21

aso ahaa Nyameɛ ongonwu ye anaa? Ofikyɛ ye yeɛ ɔse sona ti anu mvealeɛ dwirɛ ɔ.

Edwein 58:6

Ao Nyameɛ, bubu bɛ gye bɔ ogua bɛ noa nu ɔ, ao AWURADE, tutu gyata akrɔngrɔma nemɔ bɛ gye!

Edwein 9:9

AWURADE te anwoserɛ afealeɛ ma bɛ bɔ ebiemɔ hyɛ bɛ so ɔ, anwoserɛ afealeɛ wɔ amaneɛnwunɛ mmerɛ nu.

Edwein 96:10

Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yeremia 11:20

Nakoso Asafo AWURADE, wɔ bɔ ebua ndɛen turoloo, bɔ ɛpɛnzɛpɛnzɛ sona ahone nu ne ye ti anu ɔ, maa nwu wɔ wereɛtɔlɛ ne wɔ bɛ so, ofikyɛ wɔ yeɛ mafa me dwirɛ mawura wɔ sa ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 20:12

Nakoso Asafo AWURADE, wɔ bɔ eso teneneeniɛ nea ɔ, bɔ ɛse ahone nu ne bɛ ti nu dwirɛ ɔ, maa nwu bɛ so wereɛ bɔ ɛkɔtɔ ne, ofikyɛ wɔ yeɛ mafa me dwirɛ mato wɔ nyunu ɔ.

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.