Edwein 7:6 - AHYERƐLƐ KRONGRON

⁶ Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 7:6 Iomraidhean Croise

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

Edwein 103:6

Bɛ bɔ ebiemɔ hyɛ bɛ so ne, AWURADE di bɛ mukoraa bɛ dwirɛ ma bɛ, na obua ndɛen turoloo ma bɛ.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Edwein 143:3

Ofikyɛ pɔfoɛ ne atu ye nye wasie me kra so, wabɔ me ngoa wato ase, na wamaa matena awosii nu kyɛ bɛ bɔ bawuwu dada ɔ.

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 35:1

Ao AWURADE, tu wɔ nye sie bɛ bɔ betu bɛ nye besie me so ɔ nemɔ aso, na ko tia bɛ bɔ bɛko betia me ne!

Edwein 35:23

Dwɔso ná ko ma me! ao me Nyameɛ ne m’AWURADE, baali me dwirɛ ma me!

Edwein 44:23

Ao AWURADE, tingye! Nzu ati yeɛ ɛda e? Dwɔso, na nnɛgyi yɛ to afebɔɔ!

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 59:5

Ao AWURADE, Asafo Nyameɛ, ɛte Yisrael Nyameɛ. Dwɔso twe maen maen amukoraa bɛ so; amumuyɛɛfoɛ nnakannakafoɛ ne, nnɛma bɛ nu biala fa ye nwo di tɔtorɔtɔɔ. Sela

Edwein 73:20

Sɛ sona da dwɔso a, bɛte kyɛ laleɛ bie, yeɛ wɔ AWURADE koso, sɛ ɛkekã wɔ nwo a, ebu bɛ kyɛ laleɛ bie.

Edwein 74:3

Tu agyirɛ bra nekaa bɔ wakakyi kurofoen bɔkɔɔ ne; pɔfoɛ ne wasɛkye nekaa krongron berɛ nningyein amukoraa.

Edwein 78:65

Yeɛ AWURADE dwɔsole kyɛ sona bɔ ofi nnaa nu ɔ, kyɛ anwoserɛniɛ bɔ nzaa maa ɔteatea nu ɔ.

Yesaya 3:13

AWURADE adwɔso bɔ ɔbɔ kwaadu, wagyina berɛ obua maen ne ndɛen.

Yesaya 33:10

AWURADE nwa nyoo, “Afei ngodwɔso, afei ngohyire me tumi, afei ngɔmaa bekonwu me tumi.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?