Edwein 7:3 - AHYERƐLƐ KRONGRON

³ Ao AWURADE me Nyameɛ, sɛ mayɔ sɔ a, sɛ mayɔ amumuyɛɛ a,

Edwein 7:3 Iomraidhean Croise

YOB NWOMAA NE 11:14

Sɛ bɔne wɔ wɔ nu a, yakyi ye yɔlɛ korakorakora, yeɛ nnɛma amumuyɛɛ tena w’awuro.

Edwein 22:12

Nandwie nyii pee bapɛ me nwo bayia, Basan nandwie nyii anwoserɛ nemɔ, bapɛ me nwo kango;

Edwein 22:20

Pepɛ de me kra fi ngrandɛ noa; pepɛ de me ngoa fi ngyea ye mɔ sa nu!

Edwein 59:3

Ao AWURADE, nndole mmeraa biala, yeɛ nnyɔle bɔne biala, nakoso kekesaala ye po, bɛtetɛ me beku me; nzɛmmɔnefoɛ bɛboa bɛ noa bɛbɔ me ti so porɛ.

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Yosua 22:22

“AWURADE, ɔte Ɛdangama Nyameɛ! AWURADE, ɔte Ɛdangama Nyameɛ! Ye yeɛ odi yɛ adanzeɛ ɔ, na yɛpena kyɛ Yisrael koso te ye bo. Sɛ yayɛ AWURADE nwo lɔen, anaakyɛ yanni nahorɛ yamma ye a, ye de ɛmɔhu yɛ ɛnɛ.

1 Samuel 20:8

Nwu w’akoaa anwumvoin, ofikyɛ ama w’akoaa ne wɔ bayɛ apam wɔ AWURADE dumaa nu. Sɛ medi fɔ a, ye de wɔ bɔbɔ ku me. Nzu ati yeɛ ɔsɛ kyɛ ɛfa me kɔma wɔ baba ɔ?”

1 Samuel 22:13

Na Sɔɔlo bisale ye kyɛ, “Nzu ati yeɛ ɛne Yese awa ne bayɛ me nwo lɔen, bɔ ama ye aleɛ ne ngrandɛ, abisa Nyameɛ berɛ dwirɛ ama ye, maa ɔnate so ɔko tia me, bɔ ɔtɛ me ku me, kyɛbɔ kekesaala ye ɔyɔ ye?”

1 Samuel 22:8

Yiti ɛhe ati yeɛ ɛmɔ amukoraa bayɛ me nwo lɔen ye? Me kunu ba ne Yese awa bayɛ apam a, ɛmɔ nu biala ndia me gya so. Ɛmɔ nu biala ndwene me nwo, anaakyɛ ondia me gya so, kyɛ mma apesa awura me somvoɛ kyɛ ɔho tia me, kyɛ ɔtɛ me hu me, kyɛbɔ kekesaala ye ɔyɔ ye.”

1 Samuel 24:11

Oo me baba, nea kyɛ ndira w’ataadeɛ tendenn ne noa ɔ. Sɛ mapɛ w’ataadeɛ tendenn ne noa, ná mangu wɔ a, ye de odi kyɛ ɛte ye bo kyɛ, wɔ nwo adwene tɛɛ biala nne me ti anu, anaa nnyɔle wɔ nwo lɔen. Nnyɔle wɔ bɔne biala, nakoso ɛpena me ku me.

1 Samuel 24:9

Na Dawide sele Sɔɔlo kyɛ, “Bɛ bɔ bɛkeka kyɛ, ‘Dawide pena wɔ ku wɔ’ ne, nzu ati yeɛ etie bɛ dwirɛ ye?