Edwein 7:17 - AHYERƐLƐ KRONGRON

¹⁷ AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Edwein 7:17 Iomraidhean Croise

2 Samuel 3:29

Ye nwo foɛlilɛ kɔbɔ Yoabo ti so, ɔne ɔse abusuafoɛ bɛ ti so. Sona bɔ ye bienzua fiti, anaa kwataniɛ, anaa sayɛɛ, anaa bɔ ɔtɔ ngrandɛ noa, anaa bɔ ye noa aleɛ abɔ ye ne, ebie ngɔpa Yoabo awuro le!”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

Edwein 111:3

Ye nnwumaa te anidie ne animnyam, na ye tenenee wɔ berɛ afebɔɔ.

Edwein 140:10

Ma see gonn ogua bɛ so! Maa befindi bɛ begua see nu, kumaa kuronn nu bɔ bengodwɔso ko ɔ!

Edwein 145:7

Wɔ paayɛlɛ piri nwo ngayeɛ ne, bɛkɔbɔ ye nwo dawure, na bɛkɔto wɔ tenenee nwo dwein.

Edwein 35:28

Afei ngɔte me noa ngɔbɔ wɔ tenenee ne w’ayɛyelɛ nwo dawure daa amukoraa.

Edwein 51:14

Ao Nyameɛ, me ngoadefoɛ Nyameɛ, pepɛ de me fi mogya nwo foɛlilɛ nu, na ngɔfa me noa ngɔto wɔ tenenee nwo dwein serɛ paa.

Edwein 9:2

Ɔnate wɔ ti ngɔma me nye kɔgye, ná mali ahurusi; ao, Anwuro Anwuro Nyameɛ, ngɔto wɔ dumaa nwo ayɛyelɛ dwein.

Edwein 92:1

Ɔte paa kyɛ bɛkɔfa asennaa bɛkɔma AWURADE ɔ, kyɛ bɛkɔto wɔ dumaa nwo ayɛyelɛ dwein ɔ, ao Anwuro Anwuroniɛ;

Edwein 92:8

Nakoso ao AWURADE, wɔ de, edi ebiala so hene afebɔɔ.

Edwein 98:2

AWURADE amaa yanwu ye ngoalelɛ ne; wala ye tenenee ali wɔ maenmaensofoɛ nyunu.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:25

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Asomafoɛ 7:48

Nakoso Nyameɛ bɔ ɔwɔ anwuro anwuro ne, ɔndena sua bɔ kuro sona wafa ye sa wasi ɔ nu, kyɛbɔ ngɔmhyɛlɛniɛ ne kã kyɛ,

Maenbulɛfoɛ 9:24

Ɛhe sili, amaa ehunɛ bɔ behuni Yerubaal mma mmienzua aburasoo nemɔ ne, banya ye nwo akatuaa; amaa b’eliɛma Abimɛlɛke bɔ ohuni bɛ ne, ɔne Sɛkem mbanyi bɔ begyinane ye si maa ohuni oliɛma nemɔ ne, bɛ mogya abɔ bɛ ti so.

Maenbulɛfoɛ 9:57

Nyameɛ mane Sɛkemfoɛ bɛ bɔne amukoraa bɔle bɛ ti so, na Yerubaal awa Yotam ɛnomalɛ ne wale bɛ so.