Edwein 7:13 - AHYERƐLƐ KRONGRON

¹³ Wasiesie ye akodeɛ suronyisuronyi ne, na wasiesie ye agyaen mmakaa bɔ ogye see ne.

Edwein 7:13 Iomraidhean Croise

YOB NWOMAA NE 6:4

Ofikyɛ Ɛdangama Nyameɛ ato ye agyaen mɔ wawowɔ me, me sunzum ɔno bɛ noa borɔ ne, na Nyameɛ ɛyaafɛlɛ ne ɔko tia me.

Edwein 11:2

ofikyɛ nea, bɔnefoɛ bakondo agyaen, basina agyaen bakaa ne kyɛ bɛto ye awosii nu besina sona bɔ ɔtengyɛ ɔ.

Edwein 144:6

Tete agralaa yerɛmyerɛm, ná bɔ bɛ pete; soma w’agyaen nemɔ maa behũhũ bɛ pasaa.

Edwein 18:14

Ɔtotole agyaen mane ye pɔfoɛ mɔ bɔle aya, ye agralaa bɔ ɔtetele ne mane bɛ nye so tanene.

Edwein 45:5

W’agyaen nemɔ noa yɛ nna, besinasina nana pɔfoɛ mɔ b’ahone nu; maen maen mɔ tete gua wɔ gya bo.

Edwein 64:3

Bɛ yeɛ besi bɛ noa kyɛ ngrandɛ, besina bɛ noa dwirɛ yeayea kyɛ agyaen;

Edwein 64:7

Nakoso Nyameɛ kɔto ye agyaen ne kɔwɔ bɛ, na bekopura mvum nu.

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Habakuku 3:11

Eyia ne ɛsraen begyinagyinane seinn wɔ b’atenaleɛ, mmerɛ bɔ w’agyaen nemɔ bɛ nwo tete yerɛmyerɛm bɛkɔ, bɔ wɔ pealɛɛ nwo hyɛmhyɛm ne ɔ́ta hyireinn ɔ.

Habakuku 3:13

Efite hɔle kyɛ ɛfa ngoalelɛ brɛ wɔ maen, kyɛ ɛfa brɛ wɔ sona bɔ apopa ye ngoo ne. Nzɛmmɔneniɛ n’awuro ne aso panyi ne, ɛpɛkyɛle ye, na ɛmane ye nwo lale so fi ye gya bo kodwu ye ti so.

Deuteronomi 32:23

“ ‘Ngɔprapra musue ngogua bɛ so, ngɔto m’agyaen maa ɔkɔhɔ bɛ so.

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.

Deuteronomi 32:42

Ngɔma m’agyaen kɔno mogya kɔbo, na me ngrandɛ koli naen: bɛ bɔ bawuwu ne bɛ bɔ bahye bɛ nnure mogya, ɔne pɔfoɛ mɔ bɔ bɛ ti nwiaa afu agua bɛ nwo ɔ.’

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Nyekyire 6:10

Na bɛteane nu serɛserɛ kyɛ, “O, Awurade Tuminiɛ, Krongronniɛ ne Nahorɛniɛ, engobua ndɛen, yeɛ ɛngɔtɔ bɛ bɔ bɛte aseɛ so wereɛ wɔ yɛ mogya nwo maa okoodwu kyinzu?”