Edwein 7:12 - AHYERƐLƐ KRONGRON

¹² Sɛ ebie anzakyera ye adwene a, Nyameɛ kosi ye ngrandɛ ne; wakondo ye agyaen, na wasina.

Edwein 7:12 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

Edwein 129:4

AWURADE te teneneeniɛ, wapepɛ bɔnefoɛ bɛ nyamaa nu.

Edwein 85:4

Ao yɛ ngoalelɛ Nyameɛ, maa yɛsa yɛbra wɔ berɛ, na ɛyaa bɔ afɛ ye wɔ yɛ so ne, yakyi maa ɔha.

Edwein 9:5

Ahwi maen maen mɔ nyunu, ama bɔnefoɛ b’ayieleɛ ayie bɛ, na anunu bɛ dumaa boso afebɔɔ.

Yesaya 27:1

Sɔ kyẽa ne, AWURADE kɔfa ye ngrandɛ serɛserɛ pirikua suronyisuronyi ne kɔhwe ɛlɛngyɛen suronyisuronyi, bɔ ɔte ewoo bɔ ye nwo yɛ nyera ne ye so. Ɔte ɛlɛngyɛen suronyisuronyi bɔ ɔbenzebenze ye nu ɔ, na AWURADE kosa kohũ sasrabɔnzam bɔ ɔwɔ ɛpo nu ne.

Yesaya 34:5

Ofikyɛ me ngrandɛ ne, wano wama ye ko ayi wɔ anwuro, na nea, ódwu ba Edom so, ódwu ba maen bɔ manoma ye ne aso ɔbabua ye ndɛen.

Hesekiel 18:30

“Yiti Yisrael awuro ama, ngobua ɛmɔ nu biala ye atee bɔ ɔnate so ɔ nwo ndɛen, AWURADE Nyameɛ noa dwirɛ ɛne. Ɛ́mɔsakyera ɛmɔ adwene, ná ɛmɔhwe ɛmɔ nwo béfi ɛmɔ mmeraatolɛ amukoraa nwo, ná amumuyɛɛ wanyɛ ɛmɔ so sundidua.

Hesekiel 21:23

Na bɛ bɔ bata ndaen ne de, bekobu sɔ dwirɛ ne kyɛ ngɔndorɔ bie ɔ. Nakoso ye de, ɔkɔkaye b’amumuyɛɛ ne, na ɔkɔhye bɛ nnure.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.