Edwein 69:8 - AHYERƐLƐ KRONGRON

⁸ Makakyi ɛwɔfoɛ wɔ nniɛma mɔ nu, mayɛ amanvraniɛ wɔ me ni akunu mmaa mɔ nu.

Edwein 69:8 Iomraidhean Croise

Edwein 31:11

Mayɛ sona bɔ me pɔfoɛ mɔ amukoraa bɛgoro me nwo ɔ, na mayɛ nikyee suronyisuronyi wɔ me mmango mɔ nu. Me manifoɛ mɔ besuro me; mmenia nwu me wɔ dwaaso a né bɛnwati.

Edwein 38:11

M’adɔfo mɔ ne me mmango mɔ, baye bɛ nye wɔ amaneɛnwunɛ ne anwo, na m’abusuafoɛ mɔ bahwe bɛ nwo baagyina dedeede.

Edwein 89:51

Ao AWURADE, nea anyinga bɔ wɔ pɔfoɛ mɔ bɛkã ɔ, kyɛ bɛsere wɔ sona bɔ apopa ye ngoo ne, ye agyirɛ bɔ otu ɔ.

Edwein 89:52

Animnyam hã AWURADE afebɔɔ, Amen! Amen!

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 53:4

Nakoso, nahorɛ nu, wafa yɛ yealɛ mɔ wato ye nwo so, na wasoa yɛ amaneɛnwunɛ; nakoso yɛbuli ye kyɛ ebie bɔ Nyameɛ ahwe ye so ɔ, kyɛ ebie bɔ wapura ye waprapra amaneɛ wagua ye so ɔ.

Yeremia 15:15

Ao AWURADE, wɔ de ɛse; kaye me ná baaboka me, na bɛ bɔ bɛtane me nye ne, tɔ bɛ so wereɛ ma me. W’aboterɛ ne ati, nnɛye me fi berɛ; nwu ye kyɛ ɔnate wɔ ti, bagua me nyunu ase.

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 7:5

Na oliɛma nemɔ po banne ye banni.

1 Samuel 17:28

Dawide aliɛma panyi Eliabo tele kyɛ ɔ́ka edwirɛ kyire koɛhonɛfoɛ nemɔ nen, ɔfɛle Dawide so yaa, na ɔhane kyɛ, “W’amaneɛ wɔ wa? Mmoaen kãa bie ne, nwa yeɛ ɛfale bɛ yakyili ye wɔ ɛserɛ ne aso ɔ? Mese kyɛbɔ esi te dwɛɛ ɔne adwene tɛɛ bɔ ɔwɔ wɔ ti anu ɔ. Koɛ ne ala yeɛ ɛwale kyɛ ɛbaanea ɔ!”