Edwein 69:7 - AHYERƐLƐ KRONGRON

⁷ Ɔnate wɔ ti yeɛ male animguaseɛ ye, animguaseɛ bɔ ɔmata me ye.

Edwein 69:7 Iomraidhean Croise

Edwein 44:15

Mmerɛ biala, me nwo nyanzoen li me nyunu, na animguaseɛ abia me,

Edwein 44:22

Ɔnate wɔ ti beku yɛ daa biala, na bebu yɛ kyɛ mmoaen bɔ bɛfa bɛ bɛkɔ akumyɛɛ ɔ.

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yeremia 15:15

Ao AWURADE, wɔ de ɛse; kaye me ná baaboka me, na bɛ bɔ bɛtane me nye ne, tɔ bɛ so wereɛ ma me. W’aboterɛ ne ati, nnɛye me fi berɛ; nwu ye kyɛ ɔnate wɔ ti, bagua me nyunu ase.

Luka 23:11

Na Herode ne ye asraafoɛ bɛpepɛle ye nzoaa, bɛgorole ye nwo; na afei ɔfale ataadeɛ nyemenenyemene bie wurale ye, na ɔmaa besa bɛfale ye bɛɛmane Pilato.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.