Edwein 69:3 - AHYERƐLƐ KRONGRON

³ Masu dee mayɛ mmerɛ; me komvi ayɛ wosee. Manea me Nyameɛ ate alaa ama me nye ape atee bo.

Edwein 69:3 Iomraidhean Croise

YOB NWOMAA NE 11:20

Nakoso amumuyɛɛfoɛ de, bɛ nye so kɔyɛ bɛ wusiwusi, bengonya neka fee bɛngɔnwati ngɔhɔ, na b’anyelasoɛ ala ole ewue.”

YOB NWOMAA NE 16:16

Esuɛ ama me nyunu ayɛ yurohaa, na me nye asi apini wayɛ awosii tunn.

Edwein 119:123

Wɔ ngoalelɛ ne wɔ tenenee bɔhyɛ ne, manea bɛ ate alaa ama me nye ayɛ samoo.

Edwein 119:82

Manea wɔ bɔhyɛ ate alaa ama me nye ayɛ samoo, na mebisa kyɛ, “Kyinzu yeɛ ɛkɔkyekye me wora ɔ?”

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Edwein 22:2

Ao me Nyameɛ, alehyeleɛ biala mesu mefrɛ wɔ, nakoso ɛndɛ me so; mesu mefrɛ wɔ kɔngɔen biala, nakoso me nwo ndɔ me.

Edwein 25:21

Ma pɛpɛɛpɛyɛlɛ ne nahorɛlilɛ ɔnea me so, ofikyɛ wɔ yeɛ mafa me nwo mato wɔ so ɔ.

Edwein 39:7

Na afei AWURADE, nzikyɛ yeɛ mva me nye ndo so ɔ? Wɔ yeɛ me nye la wɔ so ɔ.

Edwein 40:3

Ɔfale edwein foforɛ tuale me noa, ɔte yɛ Nyameɛ nwo ayɛyelɛ dwein. Mmenia pee konwu ye ná basuro, ná bafa bɛ wora bawura AWURADE nu.

Edwein 6:6

Ɛpenenɛ amaa mayɛ hodwoo; kɔngɔen biala, ɛmoen ma me bɛen doa fotii, na me suɛ ma me mba doa.

Edwein 69:21

Bɛfale ɛborɔ beguale m’aleɛ nu, yeɛ nzuhɔen ku me ne, bɛmane me nzaa kekarekekare kyɛ nno.

Edwein 88:7

Afɛ me so yaa piri, na ɛma w’asorɔkye amukoraa bungam fa me so. Sela

Yesaya 38:14

Mesu meteatea nu kyɛ nandwinoma anaa bɔlanoma, mepene kyɛ abubure. Mepagya me nye menea anwuro toonn ma me nye mmaa yɛ mmosonoo. O AWURADE, mali amia, pepɛ de me!

Awuye 2:11

Ɛmoen ama me nye ayie bɔ, me kunu tete me. ‘Aworabɔlɛ atira me ɔnate me maen awa brasua bɔ basɛkye ye ne ati, ofikyɛ ngwadaa ne nnɔma mɔ bɛ nye so aburu bɛ wɔ kuro berɛ dwaa nemɔ aso.

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Deuteronomi 28:32

Bɛkɔsesa wɔ mma mmienzua ne mmrasua bɛkɔɔma maen foforɛ wɔ aberɛ bɔ wɔ nye tua ɔ, ɛkɔhenahena wɔ nye kɔpena bɛ alehyeleɛ biala, nakoso ɛngɔhora ngosi ye nwo ate.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.